Bota

"Bisedimet me Putin shkuan shumë mirë", Trump: Zelenskyy të hënën do të vijë në Uashington, nëse gjithçka shkon mirë do të caktojmë një takim me presidentin rus

Presidenti amerikan shton se pas telefonatave të gjithë janë në një mendim se duhet arritur një marrëveshje paqeje dhe jo vetëm një armëpushim.

16 Gusht 2025, 20:13 Nga N.F
"Bisedimet me Putin shkuan shumë mirë", Trump: Zelenskyy
Foto

SHBA- Presidenti amerikan, Donald Trump ka reaguar pas takimit të zhvilluar me homologun e tij rus, Vladimir Putin ndërsa e ka cilësuar samitin në Alaskë të suksesshëm. Trump ka bërë me dije se pas takimit me Putin ka zhvilluar disa biseda telefonike mes të cilëve edhe me homologun e tij ukrainas, Zelenskyy. 

Presidenti amerikan shton se pas telefonatave të gjithë janë në një mendim se duhet arritur një marrëveshje paqeje dhe jo vetëm një armëpushim. Ai gjithashtu konfirmoi se Zelensky do të udhëtojë të hënën në Uashington dhe se nëse do të shkojë çdo gjë mirë atëherë do të caktojnë një takim me Putin.

"Një ditë e mrekullueshme dhe shumë e suksesshme në Alaska! Takimi me Presidentin Vladimir Putin të Rusisë shkoi shumë mirë, si dhe një telefonatë vonë natën me Presidentin Zelenskyy të Ukrainës dhe udhëheqës të ndryshëm evropianë, përfshirë Sekretarin e Përgjithshëm shumë të respektuar të NATO-s.

Të gjithë u përcaktuan se mënyra më e mirë për t'i dhënë fund luftës së tmerrshme midis Rusisë dhe Ukrainës është të shkohet drejtpërdrejt në një Marrëveshje Paqeje, e cila do t'i jepte fund luftës, dhe jo thjesht një Marrëveshje Armëpushimi, e cila shpesh herë nuk qëndron. Presidenti Zelenskyy do të vijë në Uashington, në Zyrën Ovale, të hënën pasdite. Nëse gjithçka shkon mirë, atëherë do të caktojmë një takim me Presidentin Putin. Potencialisht, jetët e miliona njerëzve do të shpëtohen. Faleminderit për vëmendjen tuaj ndaj kësaj çështjeje' shkruan Trump.

 
 
 
 
 
Vieë this post on Instagram
 
 
 
 
 
 
 
 
 
 
 

A post shared by President Donald J. Trump (@realdonaldtrump)

trump

Sondazh

Poll

MË SHUMË