Edhe Kremlini i ka minimizuar pritshmëritë nga ky takim duke thënë se nuk mund të parashikohet ndonjë rezultat konkret.
SHBA- Në prag të takimit të planifikuar me Presidentin rus Vladimir Putin në Alaskë Presidenti i SHBA-së, Donald Trump, e ka minimizuar rëndësinë e takimit, duke thënë se qëllimi kryesor i tij është të përgatisë terrenin për një samit të dytë. Edhe Kremlini i ka minimizuar pritshmëritë nga ky takim duke thënë se nuk mund të parashikohet ndonjë rezultat konkret.
I pyetur nga Fox News Radio Trumpi tha se sipas tij probabiliteti që takimi me kreun e Kremlinit, Vladimir Putin, mund të dështojë është 25 përqind. Në të njëjtën kohë Trumpi u tha gazetarëve në Shtëpinë e Bardhë se e sheh takimin e parë në Alaskë kryesisht si përgatitje për një takim të dytë me Presidentin rus Putin dhe atë ukrainas Volodymyr Zelenski. Trump tha se ai synon vetëm të "përgatisë terrenin për takimin e ardhshëm" me Presidentin ukrainasVolodymyr Zelenski. "Takimi i dytë do të jetë shumë, shumë i rëndësishëm, sepse ai do të jetë takimi ku ata do të arrijnë një marrëveshje", tha Trump.
Sipas tij edhe ky samit i dytë për Ukrainën mund të zhvillohet gjithashtu në Alaskë dhe kjo mund të ndodhë shumë shpejt. Po ashtu Trump tha se takimin e dytë mund të marrin pjesë edhe disa udhëheqës evropianë.
Kremlini: Pas takimit nuk planifikohet ndonjë deklaratë e përbashkët
Sipas informacioneve zyrtare nga Moska pas takimit mes Presidentit rus, Vladimir Putin, dhe Presidentit të SHBA-së, Donald Trump, në Alaskë nuk është planifikuar asnjë deklaratë e përbashkët.
Zëdhënësi i Kremlinit, Dmitry Peskov, tha për agjencinë ruse të lajmeve Interfax, se samiti u përgatit në një kohë shumë të shkurtër duke shtuar: "Jo, nuk pritet asgjë, nuk është përgatitur asgjë dhe nuk ka gjasa të ketë ndonjë dokument".
Sipas tij do të ishte gabim nëse përpiqemi të parashikojmë paraprakisht rezultatin e takimit./DW
Vladimir Putin dhe Donald Trump SHBA- Donald Trump dhe Vladimir Putin do të sot në Bazën Ajrore Elmendorf në Anchorage t&eum...
Dmitry Peskov RUSI- Zëdhënësi i Kremlinit, Dmitry Peskov, ka deklaruar se nuk pritet të nënshkruhet asnjë dokument gjat&...
foto ilustruese EVROPË- Zjarrfikësit po luftojnë me disa vatra zjarri në Greqi, ndërsa një valë përvëluese e ...
Foto AFGANISTAN- Kombet e Bashkuara bën thirrje që shtetet të ushtrojnë presion diplomatik ndaj sundimtarëve talibanë në...
Serbi SERBI- Ashtu siç e kishin njoftuar, studentët serbë kanë nisur protestat edhe mbrëmjen e sotme në disa qytetet të...
Foto EVROPË- Europa Jugore përballet me zjarre pyjore, ndërsa përfshihet nga vala e të nxehtit. Zjarrfikësit po luftojnë...
Foto RUSI- Rusia ka futur Reporterët pa Kufij në listën e “organizatave të padëshirueshme”, që në praktik&eu...
Foto SHBA- Presidenti amerikan, Donald Trump është shprehur së fundmi se kërcënimi i sanksioneve të reja kundër Rus...
Njoftimi SERBI- Studentët serbë kanë njoftuar ditën e sotme se do të vijojnë tubimet dhe protestat edhe mbrëmjen e sotme...
Serbi SERBI- Në Serbi mbrëmë pati incidente në protestat të cilat u zhvilluan në disa qytete të vendit. Në No...