Sport

Everton zyrtarizon Jack Grealish, i huazuar për një sezon nga Man.City...

Siç pritej prej disa ditësh, Everton zyrtarizoi të martën mbërritjen në huazim të sulmuesit anglez Jack Grealish. Huaja thuhet se përfshin një opsion blerjeje prej afërsisht 58 milionë eurosh.

12 Gusht 2025, 19:11 Nga DOSJA

Everton zyrtarizon Jack Grealish, i huazuar për një sezon nga

ANGLI - Everton njoftoi të martën mbërritjen e Jack Grealish në formë huazimi njëvjeçar nga Manchester City. Sipas The Athletic dhe Fabrizio Romano, huazimi do të përfshinte një opsion blerjeje prej rreth 58 milionë eurosh. I ardhur te City për 117.5 milionë euro në vitin 2021 nga Aston Villa, ai ka bërë 157 ndeshje për Skyblues (17 gola, 23 asiste), ku kontrata e tij është e vlefshme deri në vitin 2027.

Duke qenë se ka luajtur vetëm shtatë herë si titullar sezonin e kaluar në Premier League dhe duke mos u përfshirë në skuadrën e Citizens për Kupën e Botës për Klube, Grealish po kërkon të rikthehet në rrugën e duhur dhe të fitojë kohë loje, veçanërisht me synimin për të luajtur në Kupën e Botës 2026 me Anglinë e Thomas Tuchel. 

“Everton është një klub i shkëlqyer me tifozë të shkëlqyer”, i tha ai kanalit televiziv të Bluve të Liverpoolit. “Sapo fola me trajnerin, e dija se kishte vetëm një vend ku doja të shkoja.”

Numri 18 si simbol

Lojtari 29-vjeçar i kombëtares angleze (39 ndeshje, 4 gola) ka vendosur të veshë numrin 18 në skuadrën e David Moyes. Një zgjedhje që nuk ishte aspak e parëndësishme. "Kishte numra të tjerë në dispozicion, por dy lojtarët e mi të preferuar anglezë të të gjitha kohërave janë Wayne Rooney dhe Paul Gascoigne, dhe e di që të dy mbanin numrin 18 këtu", shpjegoi Grealish.

Fituesi shtatë herë me Citizens i bashkohet transferimeve të tjera të verës nga Toffees, si Thierno Barry nga Villarreal (30 milionë euro) dhe Kiernan Dewsbury-Hall nga Chelsea (28.65 milionë euro). Everton do ta nisë sezonin të hënën e ardhshme me një udhëtim në Leeds (e hënë, 18 gusht, ora 21:00), për ditën e parë të Premier League.

B.T (Dosja.al)

Sondazh

Poll

MË SHUMË