Sport

“Ai tha po"! Robert Lewandowski pritet të rikthehet në kombëtaren polake…

Pasi u tërhoq nga kombëtarja polake pas një mosmarrëveshjeje për shiritin e kapitenit, Robert Lewandowski është afër rikthimit në ekipin kombëtar, sipas trajnerit të ri Jan Urban.

12 Gusht 2025, 16:11 Nga DOSJA
“Ai tha po"! Robert Lewandowski pritet të rikthehet në

POLONI - Ngatërresa midis Robert Lewandowski-t dhe ekipit kombëtar polak mund të jetë duke ardhur drejt fundit.

Trajneri i ri Jan Urban, komentet e të cilit në radion polake RMF FM u transmetuan nga Reuters, tregoi se një rikthim i qendërsulmuesit, i cili ka 158 ndeshje dhe 85 gola, ishte i afërt. 

"E pyeta në telefon nëse donte të kthehej dhe ai tha “Po”. Pra, është një hap përpara."

Në qershor, Lewandowski, 36 vjeç, u tërhoq nga ekipi kombëtar pas një mosmarrëveshjeje me ish-trajnerin Michal Probierz, i cili që atëherë ka dhënë dorëheqjen, në lidhje me statusin e tij si kapiten.

Megjithatë, Urban sqaroi se caktimi i shiritit të kapitenit për ndeshjet e ardhshme nuk ishte finalizuar ende: "Nuk dua të flas për këtë vetëm me Robertin, por edhe me të gjithë të përfshirët (...) Vendimi do të jetë i imi, por do të doja të dëgjoja se çfarë mendojnë lojtarët e tjerë."

Polonia do të përballet me Holandën dhe më pas me Finlandën në fillim të shtatorit në ndeshjet kualifikuese për Kupën e Botës 2026. Mbetet për t’u parë nëse Lewandowski, i cili ka një dëmtim në kofshë dhe është në dyshim për rifillimin e La Ligës, do të thirret nga trajneri i tij i ri.

B.T(Dosja.al)

Sondazh

Poll

MË SHUMË