Bota

Nesër mbledhje urgjente e Këshillit të Sigurimit të OKB-së/ Guterres i shqetësuar nga vendimi i qeverisë izraelite: Përshkallëzim i rrezikshëm

Sekretari i Përgjithshëm i OKB-së, Antonio Guterres, ka shprehur tashmë shqetësimin e tij.

8 Gusht 2025, 20:30 Nga E. D
Nesër mbledhje urgjente e Këshillit të Sigurimit të
foto ilustruese

GAZA- Këshilli i Sigurimit i Kombeve të Bashkuara do të mbajë një takim urgjent të shtunën për të diskutuar planin e Izraelit për të marrë kontrollin e Rripit të Gazës, sipas tre burimeve diplomatike. Sekretari i Përgjithshëm i OKB-së, Antonio Guterres, ka shprehur tashmë shqetësimin e tij.

"Jam thellësisht i shqetësuar nga vendimi i qeverisë izraelite për të 'marrë kontrollin e Qytetit të Gazës'". Kjo shënon një përshkallëzim të rrezikshëm dhe rrezikon të përkeqësojë pasojat tashmë shkatërruese për miliona palestinezë. Mund të vërë në rrezik më shumë jetë, përfshirë pengjet e mbetura. E përsëris thirrjen time urgjente për një armëpushim të përhershëm, qasje të papenguar humanitare në të gjithë Gazën dhe lirimin e menjëhershëm dhe pa kushte të të gjithë pengjeve", tha ai në një postim në Twitter.

Në të njëjtën kohë, kryeministri Benjamin Netanyahu vazhdon të mbrojë planin për të pushtuar Rripin e Gazës, duke shkruar në X se Izraeli synon të çlirojë Gazën nga Hamasi dhe nuk do ta pushtojë atë, një ditë pasi kabineti i sigurisë miratoi planet për pushtimin e plotë të Rripit të Gazës.

“Ne nuk do ta pushtojmë Gazën — ne do ta çlirojmë Gazën nga Hamasi. Gaza do të demilitarizohet dhe do të krijohet një administratë politike paqësore, e cila nuk do të jetë Autoriteti Palestinez, as Hamasi, as ndonjë organizatë tjetër terroriste. Kjo do të ndihmojë në lirimin e pengjeve tona dhe do të sigurojë që Gaza të mos përbëjë kërcënim për Izraelin në të ardhmen”, shkruan ai në X.

 

këshilli i sigurimit i kombeve të bashkuara

Sondazh

Poll

MË SHUMË