Sport

'Kemi ndarë kaq shumë momente magjike së bashku': Kane mesazh për Heung-min Son!

Pas largimit të Heung-min Son nga Tottenham për në Los Angeles FC dhe MLS, ish-shoku i tij i skuadrës Harry Kane i kushtoi atij një mesazh prekës. Sulmuesi i Bayern Munich reflektoi mbi tetë sezonet që kaluan së bashku në Londër.

8 Gusht 2025, 14:01 Nga DOSJA

'Kemi ndarë kaq shumë momente magjike së bashku': Kane

GJERMANi - Dy vjet pas largimit të Harry Kane për te Bayern Munich, tifozët e Tottenham po vajtojnë përsëri humbjen e një legjende të Spurs.

Pas dhjetë sezonesh në klub, 33-vjeçari Heung-min Son është transferuar te Los Angeles FC dhe MLS, për një shumë rekord prej rreth 22.5 milionë eurosh. Kjo i dha partnerit të tij të hershëm, Harry Kane, mundësinë t'i dërgonte një mesazh të sjellshëm në llogarinë e tij në Instagram.

“Sonny Sonny Sonny. Çfarë mund të them? Kemi ndarë kaq shumë momente magjike së bashku në fushë dhe jashtë saj gjatë viteve. Si person dhe lojtar, ti meriton gjithë suksesin që ke përjetuar [...] Isha shumë i lumtur të të pashë të ngrije një trofe sezonin e kaluar. Nuk ka dyshim që do të kesh sukses në sfidat e ardhshme. Shihemi së shpejti.”

 
 
 
 
 
View this post on Instagram
 
 
 
 
 
 
 
 
 
 
 

A post shared by Harry Kane (@harrykane)

Dyshja formoi një partneritet të shkëlqyer në Angli për tetë sezone (2015-2023). Së bashku, ata luajtën 297 ndeshje dhe ndanë më shumë se 20.000 minuta në fushë.

Ata u bënë dyshja më e frytshme në historinë e Premier Ligës angleze, duke shënuar së bashku 47 gola. Kane dha 24 asiste për Son, i cili dha 23 asiste. Dhe dyshja ia kaloi Drogbës dhe Lampardit legjendarë (36 gola me Chelsean). Nuk ka gjasa që Spurs të gjejë përsëri një sulm të tillë së shpejti.

B.T (Dosja.al)

Sondazh

Poll

MË SHUMË