Bota

Takimi me Trump/ Putin: Emiratet e Bashkuara Arabe vend i përshtatshëm për takimin

Në të njëjtën kohë, presidenti rus tha se nuk kishte problem për tu takuar me Presidentin ukrainas Volodymyr Zelensky, por theksoi se nuk janë kushtet e nevojshme për një dialog. 

7 Gusht 2025, 15:50 Nga E. D
Takimi me Trump/ Putin: Emiratet e Bashkuara Arabe vend i përshtatshëm
Vladimir Putin

RUSI- Presidenti rus Vladimir Putin gjatë deklaratave të tij në Kremlin shprehur gatishmërinë për të zhvilluar një takim me presidentin amerikan Donald Trump, në një vend neutral, konkretisht Emiratet e Bashkuara Arabe.

 "Kemi shumë miq që janë të gatshëm të na ndihmojnë të organizojmë një takim të tillë. Njëri prej tyre është presidenti i Emirateve të Bashkuara Arabe. Mendoj se do të vendosim, por ky mund të jetë një nga vendet e përshtatshme, mjaft të përshtatshme", tha Putin.

Në të njëjtën kohë, presidenti rus tha se nuk kishte problem për tu takuar me Presidentin ukrainas Volodymyr Zelensky, por theksoi se nuk janë kushtet e nevojshme për një dialog. 

"Në përgjithësi, nuk kam asgjë kundër një takimi të tillë. Por që të ndodhë, duhet të krijohen kushtet e përshtatshme - dhe për momentin ato nuk ekzistojnë", vuri në dukje ai, duke theksuar se tensionet midis Moskës dhe Kievit vazhdojnë të jenë një pengesë serioze për dialogun e drejtpërdrejtë.

Më herët të enjten, ndihmësi presidencial rus Yuri Ushakov njoftoi se Moska dhe Uashingtoni kishin rënë dakord të mbanin një samit që përfshinte udhëheqësit e të dy vendeve në ditët në vijim.

Palët kanë filluar përgatitjet për takimin  java e ardhshme është data e synuar, por është e vështirë të përcaktohet se sa ditë do të zgjasin përgatitjet.

I dërguari special i Shtëpisë së Bardhë, Steven Wittkoff, propozoi idenë e një takimi trepalësh midis Putinit, Trumpit dhe Zelenskyt në një takim të mërkurën, por Moska nuk bëri komente, shpjegoi Ushakov.

vladimir putin

Sondazh

Poll

MË SHUMË