Politike

Berisha: Altin Dumani është përgjegjësi më kryesor për farsën elektorale pas Edi Ramës

Lideri i opozitës e akuzoi për amnistimin e dosjeve 184 dhe 339 dhe për licencimin e praktikave që, sipas tij, cenojnë votën e qytetarëve.

6 Gusht 2025, 13:34 Nga DOSJA
Berisha: Altin Dumani është përgjegjësi më kryesor
sali berisha

TIRANË- Kreu i Partisë Demokratike, Sali Berisha duke folur në konferencë me gazetarët theksoi se Kreu i SPAK Altin Dumani është përgjegjësi më kryesor për farsën elektorale pas kryeministrit Edi Rama. Lideri i opozitës e akuzoi për amnistimin e dosjeve 184 dhe 339 dhe për licencimin e praktikave që, sipas tij, cenojnë votën e qytetarëve. Sipas Berishës, Dumani është i vetmi zyrtar me tre apartamente dhe pagë të lartë, që mbrohen përmes qëndrimeve antikushtetuese.

"Për çdo gjykatës, për çdo prokuror, me minimumit e integritetit dhe dinjitetit profesional dhe njerëzor, këto do ishin superprova, po këto nuk janë për Altin Troplinin. Nuk janë për kreun e Skapit, i cili është një mercenar i Edi Ramës, i cili me amnistinë e dosjeve 184 dhe 339 shtroi platformën ligjore të drejtësisë së kapur, firmosi licencat në një akt kriminal për vazhdimin e praktikave antikushtetuese, antiligjore në qëndrimin ndaj votës së qytetarëve shqiptarë.

Unë i kam denoncuar Altin Troplinin që në atë kohë dhe e garantoj se do japë llogari gjer në një për këto qëndrime kriminale, antikushtetuese që mban ndaj krimit masiv elektoral të qeverisë, me të cilat ai mbron karrigen e tij, pasuritë e tij, mbron tre apartamentet me rrogë shteti si i vetmi zyrtar në Shqipëri. Mbron rrogën prej mercenari.
Shqiptarët duhet ta dinë se asnjë prokuror në Ballkan, në rajon, asnjë prokuror, edhe në vendet ku rrogat janë tre-katër herë më të larta se në Shqipëri, nuk merr rrogën e Altin Troplinit. Pra, është pikërisht ky avokat i krimit elektoral pas Edi Ramës, përgjegjësi më kryesor për farsën elektorale," tha Berisha. 

sali berisha

Sondazh

Poll

MË SHUMË