Politike

Berisha: Thirrjet antishqiptare në Kumanovë, një akt nacionalizmi primitiv

Berisha thotë se PD dënon thirrjet antishqiptare në Kumanovë si dëshmi e racizmit dhe nacionalizmit primitiv kundër etnisë shqiptare në shekuj e mijëvjeçarë në trojet e veta dhe kundër vetë rendit kushtetues të Republikës së Maqedonisë së Veriut.

5 Gusht 2025, 17:14 Nga r.ll
Berisha: Thirrjet antishqiptare në Kumanovë, një akt nacionalizmi
sali berisha

TIRANË- Kryetari i Partisë Demokratike, Sali Berisha i ka cilësuar thirrjet antishqiptare në ndeshjen e basketbollit në Kumanovë si një akt nacionalizmi primitiv. 

Në reagimin e tij, Berisha thotë se PD dënon thirrjet antishqiptare në Kumanovë si dëshmi e racizmit dhe nacionalizmit primitiv kundër etnisë shqiptare në shekuj e mijëvjeçarë në trojet e veta dhe kundër vetë rendit kushtetues të Republikës së Maqedonisë së Veriut.

Gjithashtu shprehet se PD mbështet qëndrimin e forcave politike shqiptare dhe autoriteteve shtetërore të Maqedonisë së Veriut ndaj tyre.

POSTIMI I PLOTË: 

Thirrjet antishqiptare në Kumanovë, një akt nacionalizmi primitiv.

Partia Demokratike dënon me forcën më të madhe thirrjet barbare primitive antishqiptare në Kumanovë si dëshmi e racizmit dhe nacionalizmit primitiv kundër etnisë shqiptare në shekuj e mijëvjeçarë në trojet e veta, por edhe kundër vetë rendit kushtetues të Republikës së Maqedonisë së Veriut.

Partia Demokratike, duke dënuar me forcën më të madhe këto akte, vlerëson dhe mbështet qëndrimin e forcave politike shqiptare dhe autoriteteve shtetërore të Maqedonisë së Veriut ndaj tyre.

Politikanët shqiptarë në Maqedoninë e Veriut deklaruan se  në turmën e tifozëve në ndeshjen e fazës së dytë parakualifikuese për Kupën e Botës që do të mbahet në Katar më 2027, janë dëgjuar thirrje si “Shqiptari i mirë është shqiptari i vdekur”, “Dhoma gazi për shqiptarët” dhe “Maqedoni e pastër”. Zyrtarë të lartë të Qeverisë së Maqedonisë së Veriut, ku shqiptarët përbëjnë gati një të katërtën e popullsisë prej 1.8 milionë banorësh, ndodheshin në sallë gjatë ndeshjes. Ndërkohë  incidenti ka shkaktuar gjithashtu reagime të ashpra në Kosovë dhe Shqipëri, vende me popullsi kryesisht shqiptare.

Kryeministri i Maqedonisë së Veriut, Hristijan Mickoski, një nga zyrtarët që morën pjesë në ndeshje, dënoi “thirrjet nacionaliste dhe ksenofobike” në një deklaratë më 4 gusht, dy ditë pas ndeshjes. Kryeministri i Maqedonisë së Veriut, Hristijan Mickoski, një nga zyrtarët që morën pjesë në ndeshje, dënoi “thirrjet nacionaliste dhe ksenofobike” në një deklaratë më 4 gusht, dy ditë pas ndeshjes. Të hënën, presidentja e Kosovës, Vjosa Osmani, tha se thirrjet antishqiptare të dëgjuara në Kumanovë janë të papranueshme dhe “cenojnë frymën e bashkëjetesës dhe respektit të ndërsjellë”.

thirrjet antishqiptare ne kumanove sali berisha

Sondazh

Poll

MË SHUMË