Aktualitet

U dënua për vrasjen e kushëririt të tij por nuk e pranoi kurrë autorësinë e krimit/ Zbardhen detaje nga atentati ndaj Frrok Lleshajt, u qëllua për vdekje pak larg banesës së tij

Lleshaj u gjet i vrarë nga kalimtarët e fshatit Paçram pak larg banesës së tij, ndërsa pista kryesore e hetimeve është gjakmarrja.

4 Gusht 2025, 22:48 Nga r.ll
U dënua për vrasjen e kushëririt të tij por nuk e pranoi
foto të ilustruara

VAU I DEJËS- Janë zbardhur detaje të reja lidhur me vrasjen e 65-vjeçarit, Frrok Lleshaj mbrëmjen e sotme në Vaun e Dejës. Lleshaj u gjet i vrarë nga kalimtarët e fshatit Paçram pak larg banesës së tij, ndërsa pista kryesore e hetimeve është gjakmarrja.

65-vjeçari raportohet se 30 vjet më parë ka vrarë kushëririn e tij Dodë Lleshaj. Ai u arrestua për këtë ngjarje, por u arratis nga burgu në vitin 1997. Më pas u arrestua sërish në vitin 2006 ku vuajti 21 vjet burg dhe u lirua në mars të vitit 2023.

 “Me vendim nr.37, datë 17.03.2006, në datën 17.03.2006, të njëjtin Shkodër, dënimi 25 vite burgim për vrasjen me dashje dhe është në datën 16.03.2023 nga IEVP Shkodër” , thuhet në dosjen e Frrok Lleshajt.

Edhe pse u dënua me burg, ai nuk e pranoi asnjëherë autorësin e ngjarjes për të cilën u akuzuar. Ndërkohë raportohet se në fillim të viteve '90, Frrok Lleshaj ka punuar si efektiv policie.

Bëhet me dije se është krijuar një grup i posaçëm hetimor, i cili nën drejtimin e Prokurorisë, po punon për sqarimin e rethanave të ngjarjes dhe për identifikimin e kapjen e autorit/ëve.

vrasja e frrok lleshajt vrasje ne vaun e dejes

Sondazh

Poll

MË SHUMË