Bota

Aksident i rëndë trafiku në Itali/ Kamioni përplaset me disa automjete të ndaluara, tre persona humbin jetën, 15 të tjerë plagosen (VIDEO)

Njëri prej të plagosurve është në gjendje kritike në spitalin Carezzi në Firence, katër kanë lëndime të rënda, ndërsa pjesa tjetër ka lëndime të lehta.

4 Gusht 2025, 17:36 Nga r.ll
Aksident i rëndë trafiku në Itali/ Kamioni përplaset me disa
vendngjarja

ITALI- Një aksident tragjik ndodhi mëngjesin e sotëm në Itali, në autostradën A1, midis Arezzos dhe Firences, ku një kamion u përplas me disa automjete të ndaluara për shkak të një bllokimi trafiku. Përplasja e fuqishme vrau tre persona dhe plagosi 15 të tjerë.

Aksidenti ndodhi pak para orës 11:00 dhe trafiku u ndalua në të dyja korsitë e autostradës. Sipas informacioneve fillestare, kamioni nuk pati kohë të frenonte dhe goditi automjete të tjera njëra pas tjetrës, përfshirë një kamion tjetër, një makinë me një karvan, një autobus turistik dhe një ambulancë.

Ambulanca po transportonte një pacient 75-vjeçar. Si pasojë e përplasjes u vranë të tre personat që ndodheshin në të, pacienti si dhe dy infermierë që ishin në pjesën e pasme të automjetit. Gjithsej 15 persona u plagosën në përplasje. Njëri është në gjendje kritike në spitalin Carezzi në Firence, katër kanë lëndime të rënda, ndërsa pjesa tjetër ka lëndime të lehta.

Paolo Romaglioli, një avokat nga Arezzo, ishte dëshmitar okular. Ai tha se u shpëtua nga një mrekulli, pasi arriti të frenonte. “Kamioni u përplas me një automjet tjetër të madh dhe ambulanca u shtyp. Pastaj u përfshi nga flakët, por disa shoferë arritën ta shuanin zjarrin para se të përhapej”, tha ai.  Autostrada mbeti e mbyllur për disa orë. 

aksident në itali

Sondazh

Poll

MË SHUMË