Sport

Drejtësia braziliane ngrin aksionet e grupit ‘Eagle’, që ka në pronësi klubin Botafogo!

Pasi vlerësuan se grupi ‘Eagle’ i detyrohej Botafogos rreth 24 milionë euro, gjykatat braziliane ngrinë aksionet e kompanisë, ku aksionari kryesor është John Textor.

1 Gusht 2025, 13:00 Nga DOSJA
Drejtësia braziliane ngrin aksionet e grupit ‘Eagle’, që
John Textor ia ka dorëzuar presidencën e grupit 'Eagle', amerikanes Michele Kang.

BRAZIL - Një kthesë e re në këtë periudhë të trazuar për John Textor. Që prej largimit nga OL, biznesmeni amerikan dëshiron të përqendrohet ekskluzivisht te klubi brazilian Botafogo. Një klub që ai dëshiron ta blejë nga grupi Eagle Football, ku është aksionari kryesor, për t'u bërë pronari i vetëm dhe kështu ta ndajë atë nga pjesa e tij evropiane (Lyon, Molenbeek).

Këtë të enjte, gjykatat braziliane ngrinë aksionet e ‘Eagle Football Holding’ në Botafogo, për shkak të borxhit të lartë të grupit të udhëhequr nga John Textor ndaj klubit të Rios, sipas një vendimi të parë nga AFP.

Textor thotë se ai përdori kapitalin e Botafogos, kampionëve në fuqi të Brazilit dhe Amerikës së Jugut, i cili, sipas fjalëve të tij, "gjeneroi një sasi të konsiderueshme parash", për të mbuluar humbjet e një klubi tjetër të tij në Evropë, Olympique Lyonnais.

Një gjykatë në Rio de Janeiro vendosi që ‘Eagle’ i detyrohej klubit të Rios rreth 23.8 milionë euro dhe urdhëroi "sekuestrimin paraprak të aksioneve të ‘Eagle Football në Botafogo’".

Pasi pranoi gabimet e menaxhimit te Lyon, i cili u shpëtua në mënyrë ekstreme nga rënia administrative në Ligue 2, Textor ia dorëzoi vendin e tij në krye të klubit në qershor bashkatdhetarit të tij amerikan Michele Kang.

Ky vendim i gjykatave braziliane përfaqëson një hap përpara për njeriun me kapelë, i cili kishte kërkuar "ngrirjen" e aksioneve të Ares - kreditorit të tij kryesor në Lyon - brenda shoqërisë aksionare Botafogo.

B.T (Dosja.al)

Sondazh

Poll

MË SHUMË