Bota

Suedia dhe Holanda i kërkojnë BE-së t’i japë fund marrëveshjes tregtare me Izraelin: Duhet të lejojnë ndihmë humanitare të pakufizuar në Gaza

Kryeministri suedez, Ulf Kristersson deklaroi të enjten se situata në Gaza është bërë “krejtësisht e dhimbshme” dhe se Izraeli nuk po i përmbush detyrimet e tij në lidhje me dërgimin e ndihmës humanitare.

31 Korrik 2025, 22:30 Nga M.B
Suedia dhe Holanda i kërkojnë BE-së t’i japë fund
Ursula von der Leyen dhe Benjamin Netanyahu


EUROPA- Suedia dhe Holanda i kanë bërë thirrje Bashkimit Evropian të pezullojë marrëveshjen tregtare me Izraelin për shkak të sulmeve në Rripin e Gazës. Kryeministri suedez, Ulf Kristersson deklaroi të enjten se situata në Gaza është bërë “krejtësisht e dhimbshme” dhe se Izraeli nuk po i përmbush detyrimet e tij në lidhje me dërgimin e ndihmës humanitare.

“Suedia, për këtë arsye, kërkon që BE-ja të ngrijë komponentin tregtar të marrëveshjes së asociimit sa më shpejt të jetë e mundur. Presioni ekonomik ndaj Izraelit duhet të rritet. Qeveria izraelite duhet të lejojë ndihmë humanitare të pakufizuar në Gaza”, shkroi ai në X. 

Ministri i Jashtëm holandez, Caspar Veldkamp, gjithashtu bëri thirrje për pezullimin e komponentit tregtar të Marrëveshjes së Asociimit BE-Izrael, nëse nuk rritet ndihma për Gazën. Thirrjet për pezullimin e marrëveshjes vijnë pasi disa vende kanë shpallur njohjen e Shtetit të Palestinës si përgjigje ndaj sulmeve të vazhdueshme të Izraelit në Gaza.

 

suedia

Sondazh

Poll