Aktualitet

Vrasja e Santiago Malkos, SPAK kërkon 32 vite burg për Leonard Dukën dhe 25 vite për Erlis Dukën

Sipas SPAK, ngjarja lidhet me rivalitetin mes grupit të vëllezërve Duka dhe grupit të Ervis Martinajt, mik i ngushtë i viktimës.

21 Korrik 2025, 13:15 Nga E. D
Vrasja e Santiago Malkos, SPAK kërkon 32 vite burg për Leonard
SPAK

TIRANË- Prokuroria e Posaçme kundër Korrupsionit dhe Krimit të Organizuar ka dhënë këtë të hënë pretencën për të akuzuarit për vrasjen e Santiago Malkos, ngjarje e ndodhur si rezultat i përplasjes mes dy grupeve kriminale rivale që kontrollonin aktivitetin e paligjshëm të lojërave të fatit. Sipas SPAK, ngjarja lidhet me rivalitetin mes grupit të vëllezërve Duka dhe grupit të Ervis Martinajt, mik i ngushtë i viktimës.

Ata akuzohen për “Vrasje me Paramendim”, “Armëmbajtje pa leje”, “Trafik Narkotikësh”, vepra këto të kryera në formën e Grupit të Strukturuar Kriminal.

Dënimet e kërkuara nga SPAK:

Leonard Duka: 32 vite burg


Erlis Duka: 25 vite burg

Fatmir Hyseni: 32 vite burg

Aleksandër Manxhaku: 22 vite burg

Oltian Loga: 23 vite burg

Dritan Aga: 23 vite burg

Ish-polici Santiago Malko u ekzekutua mbrëmjen e 27 gushtit në zonën e “Xhamllikut” në Tiranë, në makinën e tij tip “BMë X5”. I skeduar për një sërë ngjarjesh kriminale, Malko kishte hyrë edhe në administratën shtetërore. Për vrasjen e Malkos, prokuroria akuzon 8 persona, ku në krye të grupit janë dy vëllezërit Duka, Leonardi dhe Erlisi. Klani Duka, i akuzuar për vrasjen përbëhet nga: Leonard Duka, Erlis Duka, Ilir Selmani, Ervis Metani, Fatmir Hyseni, Dritan Agaj, Aleksandër Maxhaku dhe Xhoni Nica.

spak

Sondazh

Poll

MË SHUMË