Aktualitet

EMRI/ Lëvizte në shëtitoren e Shëngjinit me armë zjarri dhe tentoi t'i largohet policisë, arrestohet 21-vjeçari

Ndërkohë efektivët sekuestruan armën tip “Scorpion”, municion luftarak, 2 celularë, 1 automjet dhe 1 motomjet.

19 Korrik 2025, 10:57 Nga M.B
EMRI/ Lëvizte në shëtitoren e Shëngjinit me armë zjarri
Foto nga vendi i ngjarjes

LEZHA- 21-vjeçari Klaudio Vuksani është arrestuar pasi lëvizte në shëtitoren e plazhit të Shëngjinit me armë zjarri me fishek në fole gati për qitje. Mësohet se gjatë momentit të ndërhyrjes së policisë Vuksani tentoi të largohej. Ndërkohë efektivët sekuestruan armën tip “Scorpion”, municion luftarak, 2 celularë, 1 automjet dhe 1 motomjet ndërsa materialet procedurale iu referuan Prokurorisë së Lezhës, për veprime të mëtejshme.

Njoftimi i policisë:

Shërbimet e Forcës së Posaçme “Shqiponja”, në bashkëpunim me shërbimet e Komisariatit të Policisë Lezhë, bazuar në të dhënat e siguruara për një shtetas që lëvizte me armë zjarri, në Shëngjin, kanë organizuar dhe finalizuar operacionin policor të koduar “Siguria”.

Gjatë operacionit, në shëtitoren e plazhit të Shëngjinit, shërbimet e Policisë kanë lokalizuar shtetasin K. V., që po mbante një armë zjarri. Në momentin e ndërhyrjes së Policisë, ai ka tentuar të largohet, por është kapur dhe neutralizuar. Gjatë kontrollit, atij iu gjetën 1 armë zjarri automatike tip “Scorpion”, me fishek në fole, dhe 2 krehra me municion luftarak për këtë armë.     

Në vijim të veprimeve, shtetasi K. V., 21 vjeç, banues në Lezhë, u arrestua në flagrancë për veprën penale “Mbajtja pa leje dhe prodhimi i armëve, armëve shpërthyese dhe i municionit”. Materialet procedurale iu referuan Prokurorisë së Lezhës, për veprime të mëtejshme.

lezha

Sondazh

Poll

MË SHUMË