Bota

Aksident i rëndë në Britani, autobusi me rreth 70 nxënës rrëshqet poshtë një bregu, Starmer: Dhimbjen për humbjen e jetës së një fëmije

Në autobus ndodheshin 60 deri në 70 persona, shumica prej të cilëve ishin nxënës që po ktheheshin nga një ekskursion.

17 Korrik 2025, 22:49 Nga M.B
Aksident i rëndë në Britani, autobusi me rreth 70
Foto ilustruese

BRITANI- Një aksident i rëndë ka ndodhur në Britani, ku një autobus që transportonte nxënës të shkollës së mesme doli nga rruga dhe rrëshqiti 6.1 metra poshtë një bregu në zonën Exmoor, në perëndim të Somerset, nën rrethana ende të paqarta. Sipas raportimeve të paktën një fëmijë ka humbur jetën, ndërsa dhjetëra të tjerë kanë mbetur të plagosur. Mësohet se në autobus ndodheshin 60 deri në 70 persona, shumica prej të cilëve ishin nxënës që po ktheheshin nga një ekskursion.

Nga aksidenti, 19 persona janë transportuar me autoambulanca në spitale, ndërsa dy të tjerë janë evakuuar me helikopter për shkak të gjendjes së rëndë. Dy fëmijë ndodhen në gjendje kritike për jetën.

Kryeministri britanik, Keir Starmer, ka reaguar lidhur me aksidentin tragjik. Ai thotë se mendimet e tij janë me prindërit, familjarët, miqtë e viktimës dhe të gjithë ata që janë prekur nga ngjarja tragjike. Starmer gjithashtu falënderoi shërbimet e emergjencës për përgjigjen e shpejtë dhe përkushtimin në vendngjarje, duke theksuar se është në kontakt të vazhdueshëm për ecurinë e situatës.

“Nuk ka fjalë të mjaftueshme për të shprehur dhimbjen për humbjen e jetës së një fëmije,” tha Starmer në një deklaratë.

britani

Sondazh

Poll

MË SHUMË