Sport

Chelsea hap ‘supermarketin’ edhe këtë vit, mund të shesi deri në 15 lojtarë…

Blutë e Londrës synojnë të mbledhin para

16 Korrik 2025, 13:30 Nga DOSJA

Chelsea hap ‘supermarketin’ edhe këtë vit, mund të

ANGLI - The Athletic ka zbuluar listën e lojtarëve që Chelsea po kërkon t’i shesë këtë verë, mundësisht përgjithmonë. Joao Felix , afër një rikthimi te Benfica, Ben Chilwell, Axel Disasi, Lesley Ugochukwu, Renato Veiga, Armando Broja, Alfie Gilchrist dhe Raheem Sterling janë emrat kryesorë në listë.

Në total, rreth pesëmbëdhjetë lojtarë pritet të largohen nga klubi londinez. Portali britanik shton se Christopher Nkunku, një objektiv i kohëve të fundit i Bayern Munich, nuk do të qëndrojë në oborrin e Enzo Marescas dhe se Manchester United, i cili mund të ofrojë një marrëveshje shkëmbimi për Alejandro Garnacho, është gjithashtu i interesuar.

Carney Chukwuemeka, nga ana tjetër, është afër t'i bashkohet Borussia Dortmund, por gjermanët synojnë një huazim me mundësi blerjeje, ndërsa Blutë do të preferonin një transferim të përhershëm. Nicolas Jackson gjithashtu mund të largohet nëse do të mbërrinte një ofertë bindëse.

Noni Madueke është afër t’i bashkohet Arsenalit dhe transferimi i tij do të sjellë 60 milionë euro. Për më tepër, klubi i Todd Boehly planifikon të dërgojë disa lojtarë në huazim te Strasburgu, një nga klubet e tij satelitore. Ishe Samuels-Smith (me vlerë pak më shumë se 9 milionë euro), Kendry Paez, Aaron Anselmino dhe Mike Penders mund të transferohen në Alsace. Është një derë rrotulluese, pra, si çdo verë.

B.T (Dosja.al)

Sondazh

Poll

MË SHUMË