Sport

Puma "vesh me ar" Manchester Cityn, një marrëveshje rekord prej 1 miliard eurosh!…

Bashkëpunimi midis Manchester City dhe Puma filloi në vitin 2019 dhe me kalimin e kohës është bërë një partneritet strategjik për klubin.

15 Korrik 2025, 17:16 Nga DOSJA

Puma "vesh me ar" Manchester Cityn, një marrëveshje rekord

ANGLI - Manchester City njoftoi zyrtarisht të hënën rinovimin e partneritetit me Puman deri në vitin 2035. 

Sipas Guardian dhe Manchester Evening News, marrëveshja vlen më shumë se 1 miliard euro gjatë dhjetë viteve, ose afërsisht 100 milionë paund (115 milionë euro) për sezon.

Kjo është kontrata më e pasur e nënshkruar ndonjëherë nga një klub i Premier League me një sponsor teknik, si dhe e para në historinë e futbollit anglez që tejkalon 1 miliard paund.

Një aleancë strategjike e lindur në vitin 2019
Bashkëpunimi midis Manchester City dhe Puma filloi në vitin 2019 dhe me kalimin e kohës është bërë një partneritet strategjik për klubin.

Ferran Soriano, CEO i City Football Group, komentoi mbi rinovimin: "Ne u bashkuam me Puman me ambicien për të sfiduar veten dhe për të tejkaluar të gjitha pritjet. Gjatë gjashtë viteve të fundit, ne e kemi arritur këtë dhe më shumë."

Për Pumën, qëllimi është të konsolidojë pozicionin e saj në futbollin evropian, duke konkurruar kundër gjigantëve rivalë Nike dhe Adidas në një treg gjithnjë e më konkurrues.

Marrëveshja me Manchester City është pjesë e strategjisë më të gjerë të City Football Group, ku Puma është tashmë një partner kyç.

B.T (Dosja.al)

Sondazh

Poll

MË SHUMË