Aktualitet

Ambasadori i BE: Institucionet të sigurojnë zbatimin e plotë të vendimeve të Gjykatës Kushtetuese dhe të mbrojnë pavarësinë e saj në çdo nivel

Gonzato u shpreh se drejtësia sot nuk duhet vetëm të jepet por edhe të duket se po jepet. Sipas tij duhet që qytetarët ta kuptojnë këtë dhe të kenë besim te drejtësia.

14 Korrik 2025, 11:19 Nga r.ll
Ambasadori i BE: Institucionet të sigurojnë zbatimin e plotë
gonzato

TIRANË- Ambasadori i Bashkimit Europian, Silvio Gonzato ka mbajtur fjalën e tij sot në takimin e organizuar nga Gjykata Kushtetuese për prezantimin e udhërrëfyesit të jurisprudencës.

Gonzato u shpreh se drejtësia sot nuk duhet vetëm të jepet por edhe të duket se po jepet. Sipas tij duhet që qytetarët ta kuptojnë këtë dhe të kenë besim te drejtësia. Ai shtoi më tej se përmes këtij besimi mund ta shihet integrimi në BE si një mundësi për të arritur më shumë.

Ambasadori gjithashtu u bëri thirrje institucioneve të sigurojnë zbatimin e plotë të vendimeve të gjykatës dhe të mbrojnë pavarësinë e saj në çdo nivel.

"Sot nuk është momenti për të rishikuar përparësitë e Reformës në Drejtësi. Megjithatë, dëshiroj të shfrytëzoj këtë rast për të theksuar rëndësinë e dialogut. Këto janë elemente kyçe, që vendimet e formës së prerë të përmbushin standardet e larta të vendosura nga Gjykata Kushtetuese. Ky është një proces i vazhdueshëm.

Drejtësia jo vetëm duhet të jepet, por edhe të duket se po jepet. Duhet që qytetarët ta kuptojnë këtë, të kenë besim, dhe vetëm përmes këtij besimi mund ta shohim integrimin në BE si një mundësi për të arritur më shumë. Çdo hap ka rëndësi. Çdo përpjekje që bëjnë gjykatat kontribuon në këtë vizion. Inkurajoj të gjithë aktorët dhe institucionet që të sigurojnë zbatimin e plotë të vendimeve të gjykatës dhe të mbrojnë pavarësinë e saj në çdo nivel.", u shpreh Gonzato.

silvio gonzato

Sondazh

Poll

MË SHUMË