Politike

Maldrita Bardho "i dhuroi" mandatin e deputetes, Zegjine Çaushi: Vendim i guximshëm dhe befasues, më bën edhe më të përgjegjshme

Ajo shton se ky vendin e bën edhe më të përgjegjshme për detyrën e saj në Kuvendin e Shqipërisë.

5 Korrik 2025, 13:46 Nga M.B

Maldrita Bardho "i dhuroi" mandatin e deputetes, Zegjine

FIER- Zegjine Çaushi ka falenderuar përmes një videoje të shpërndarë në rrjetet sociale, Maldrita Bardhon e cila vendosi të mos e pranojë mandatin e deputetes dhe t'ia kalojë asaj. Çaushi e quan vendim e Bardhos të guximshëm dhe befasues. Ajo shton se ky vendin e bën edhe më të përgjegjshme për detyrën e saj në Kuvendin e Shqipërisë.

Edhe në këtë video Çaushi ka vijuar "traditën" e saj duke mos kursyer "thumbat" për opozitën teksa ndalet veçanërisht te emri i kreut të grupit parlamentar të PD-së Gazment Bardhi. Ajo thotë gjithashtu "se kush është e çfarë do bëjë në parlament, këtë do e tregojë koha". 

“Kam vendosur të bëj këtë komunikim publik, pasi e ndjej të nevojshme të falënderoj kolegen time, Maldrita Bardho për vendimin e guximshëm dhe befasues që më bën edhe më të përgjegjshme për detyrën time në Kuvendin e Shqipërisë.

Unë jam një prej mijëra vajzave dhe djemve të rritur larg qendrave urbane me të një njëjtën dëshirë e vlerë si çdo i ri që ka lindur në qytet. Jam anatemuar në banaqet e studiove televizive dhe politikanëve që ulërasin emrin tim për të mbuluar zullumet e tyre por kjo nuk më tremb. Se kush jam e çfarë do bëj në parlament, këtë do e tregojë koha.

Maldrita, të falënderoj edhe njëherë shoqe, je fisnike, model për mua. Gazo, je politikani më i dështuar, iu ke ngelur ne derë e s’spo dinë të të heqin qafe”, thotë Çaushi.

 
 
 
 
 
View this post on Instagram
 
 
 
 
 
 
 
 
 
 
 

A post shared by Zegjine Çaushi (@zegjine.caushi)

zegjine caushi

Sondazh

Poll

MË SHUMË