Aktualitet

Pezullimi i qarkullimit/ Arrestimi i 13 punonjësve të doganës së Mavromatit, në pranga edhe shefi grek i stacionit kufitar në Qafë Botë

Hetuesit kishin informacion për veprimtarinë e doganierëve, të cilët kundrejt një shume të caktuar parash, kujdeseshin që të mos kryenin kontrolle ndaj automjeteve dhe kamionëve të caktuar me rimorkio. 

4 Korrik 2025, 12:31 Nga N.F
Pezullimi i qarkullimit/ Arrestimi i 13 punonjësve të doganës
Foto

QAFË BOTË- Autoritetet greke kanë vijuar me operacionet dhe kontrollet në doganën e Mavromatit. Mësohet se ditën e sotme është arrestuar shefi i stacionit kufitar në Qafë Botë. Arrestimi i tij erdhi pas një kontrolli të imët në zyrën e tij.

Dje autoritetet kanë arrestuar edhe 13 oficerë doganorë. Hetuesit kishin informacion për veprimtarinë e doganierëve, të cilët kundrejt një shume të caktuar parash, kujdeseshin që të mos kryenin kontrolle ndaj automjeteve dhe kamionëve të caktuar me rimorkio. 

Kalimi i automjeteve në Pikën Kufitare të Qafë Botës është pezulluar përkohësisht për shkak të operacionit pasi pala greke nuk ka punuar. Kalimi i në këtë pikë kufitare mund të bëhet vetëm në këmbë. Dhjetëra shqiptarë kanë mbetur të bllokuar në doganë pasi pala greke ka pezulluar punën.

qafe bote

Sondazh

Poll

MË SHUMË