Sport

De Jong-PSV, a do të vazhdojë? Kontrata ka mbaruar, sulmuesi nuk del në stërvitje...

Periudha e gjatë e pritjes së një përgjigje nga sulmuesi ka shkaktuar një acarim të lehtë te PSV-ja

1 Korrik 2025, 15:00 Nga DOSJA
De Jong-PSV, a do të vazhdojë? Kontrata ka mbaruar, sulmuesi nuk del

HOLANDE - Luuk de Jong nuk u paraqit në seancën e parë stërvitore të PSV-së për këtë sezon, duke nxitur dyshime mbi të ardhmen e tij.

Kontrata e sulmuesit 34-vjeçar skadon sot dhe ai ende nuk e ka njoftuar vendimin e tij nëse do ta vazhdojë karrierën në Eindhoven. Një situatë që, sipas Eindhovens Dagblad, po fillon të gjenerojë pakënaqësi brenda klubit.

Ndërsa pranon gjithçka që De Jong ka sjellë për PSV-në, si në aspektin e lidershipit ashtu edhe të performancës, menaxhmenti po bën thirrje për më shumë qartësi.

“Periudha e gjatë e pritjes shkakton një acarim të lehtë, edhe nëse ka respekt të madh për të kaluarën e tij bardhekuqe”, shkruajnë kolegët e të përditshmes Eindhoven. Megjithatë, ky nuk është një qëndrim që i përshtatet një klubi ambicioz si PSV, veçanërisht duke pasur parasysh fillimin zyrtar të sezonit.

Problemi përkeqësohet nga gjendja fizike ende jo optimale e Ricardo Pepit, rikthimi i të cilit në formë të plotë pritet për ndeshjen e Johan Cruijff Shield më 3 gusht kundër Go Ahead Eagles.

Në këtë kontekst, klubi nuk mund të përballojë më të presë. Drejtori sportiv Earnest Stewart tashmë po vlerëson profile alternative: nëse do të vinte një sulmues që i plotëson parametrat e kërkuar, qëndrueshmëria e De Jong mund të zhdukej shpejt.

B.T (Dosja.al)

Sondazh

Poll

MË SHUMË