Sport

Guardiola pas eliminimit: "Ishim në një moment të shkëlqyer, është për të ardhur keq"…

Trajneri theksoi disa aspekte positive, pavarësisht eliminimit: "Pashë gjëra të mira që nuk i kisha vënë re më parë, veçanërisht në marrëdhëniet midis lojtarëve dhe stafit teknik”.

1 Korrik 2025, 12:00 Nga DOSJA
Guardiola pas eliminimit: "Ishim në një moment të

SHBA - Pep Guardiola e pranoi me sportivitet humbjen surprizuese 4-3 të Manchester Cityt të tij kundër Al Hilal në raundin e 16-të të Kupës së Botës për Klube.

Trajneri katalanas vlerësoi kundërshtarin e tij dhe shpjegoi zgjedhjet që bëri, në veçanti zëvendësimin e Erling Haaland në kohën shtesë, kur skuadra po kërkonte një gol: "Ai ishte shumë i lodhur, ishte ai që kërkoi zëvendësimin", deklaroi Pep.

Guardiola i pranoi meritat e kundërshtarëve të tij, të trajnuar nga Simone Inzaghi: "Në këtë nivel çdo ndeshje është e vështirë. Lejuam shumë tranzicione, por krijuam edhe shumë raste.

Në përgjithësi, skuadra luajti mirë. Është për të ardhur keq, ishim në një moment të shkëlqyer. Mund t'i falënderoj të gjithë për mënyrën se si u stërviten, për përgatitjen e tyre. Ata dhanë gjithçka".

Trajneri më pas theksoi disa aspekte pozitive pavarësisht eliminimit: "Pashë gjëra të mira që nuk i kisha vënë re më parë, veçanërisht në marrëdhëniet midis lojtarëve dhe stafit teknik. Grupi ishte i lumtur, seancat e punës ishin të shkëlqyera. Por niveli i Kupës së Botës është shumë i lartë".

Së fundmi, një vështrim drejt së ardhmes: "Kam ndjesinë se ekipi po bën mirë, por tani po shkojmë në shtëpi. Është koha për të pushuar, për të rimbushur mendjet tona dhe për t'u përgatitur për sezonin e ardhshëm".

B.T (Dosja.al)

Sondazh

Poll

MË SHUMË