Sport

Inzaghi nuk mbahet pas suksesit ndaj Cityt: "Ne u ngjitëm në Everest, pa oksigjen!"

"Sekreti i kësaj fitoreje ishin lojtarët dhe zemra që ata vunë në fushë. E dinim se kundër një skuadre si Manchester City do të duhej të bënim diçka të jashtëzakonshme”, tha Inzghi.

1 Korrik 2025, 11:30 Nga DOSJA
Inzaghi nuk mbahet pas suksesit ndaj Cityt: "Ne u ngjitëm në

SHBA - Simone Inzaghi e përshkroi fitoren sensacionale 4-3 të ekipit të tij Al Hilal në kohën shtesë ndaj Manchester Cityt në raundin e 16-të të Kupës së Botës për Klube si "si një ngjitje në Everest pa oksigjen".

Një sukses historik për klubin saudit, i cili fitoi një vend në çerekfinale ku do të përballet me Fluminense, e cila eliminoi Interin. Ndeshja u vendos nga një gol në minutën e 112-të i sulmuesit brazilian Marcos Leonardo në fund të një ndeshjeje spektakolare të luajtur në Orlando.

Al-Hilal, një klub i kontrolluar nga Fondi i Investimeve Publike Saudite që nga viti 2023, investoi shumë për të sjellë yje si Ruben Neves, Milinkovic-Savic dhe Koulibaly në Arabi. Por kundër kampionëve në fuqi të Evropës, emrat nuk ishin të mjaftueshëm: duhej një shpirt sakrifice dhe një organizim i pa të metë.

"Sekreti i kësaj fitoreje ishin lojtarët dhe zemra që ata vunë në fushë", tha Inzaghi. "E dinim se kundër një skuadre si Manchester City do të duhej të bënim diçka të jashtëzakonshme. Ne u ngjitëm në Everest pa oksigjen dhe ia dolëm."

Trajneri më pas vlerësoi performancën kolektive të ekipit të tij: "Ne ishim të jashtëzakonshëm në gjithçka: në posedim, në fazën mbrojtëse, në menaxhimin teknik. Kundër një ekipi agresiv si City nuk ishte e lehtë". Dhe ai nuk harroi t'i bënte homazh kundërshtarit: "Për mua Guardiola është trajneri më i mirë në botë, por sonte bëmë diçka të veçantë. Mendoj se e meritonim këtë fitore".

B.T (Dosja.al)

Sondazh

Poll

MË SHUMË