Aktualitet

Zjarri në fshatrat e Vlorës/ Kryebashkiaku: Dyshohet se ka ardhur nga varrezat e fshatit të Hoshtimës! Prefekti i qarkut: Janë të qëllimshme!

Ai tha se për shuarjen e flakëve po punohet nga forcat zjarrfikëse, policia, forcat e armatosura dhe nga ajri. 

29 Qershor 2025, 19:49 Nga M.B

 

Zjarri në fshatrat e Vlorës/ Kryebashkiaku: Dyshohet se ka ardhur nga
Kryebashkiaku i Vlorës, Ermal Dredha

VLORA- Kryebashkiaku i Vlorës, Ermal Dredha, tha sot për mediat se ka dyshime se zjarri që ka përfshirë një sipërfaqe toke në fshatin Hoshtimë, të ketë nisur nga varrezat e kësaj zone. Ai tha se për shuarjen e flakëve po punohet nga forcat zjarrfikëse, policia, forcat e armatosura dhe nga ajri. 

“Zjarri dyshohet se ka ardhur nga varrezat e fshatit të Hoshtimës. Për shuarjen e flakëve po punohet nga forcat zjarrfikëse, policia, forcat e armatosura dhe nga ajri. Patjetër që do të ketë hetim për zjarrin nga strukturat , ndërsa mund të themi i qëllimshëm apo gabim njerëzor këtë do ta përcaktojnë hetimet”, tha kryebashkiaku.

Prefekti i qarkut të Vlorës, Plator Nestur tha gjithashtu për mediat se 90% e zjarreve janë të qëllimshme. Ai u shpreh se ka qenë një reagim i menjëhershëm nga të gjitha strukturat, edhe nga bashkitë e tjera të cilat kanë dhënë ndihmën e tyre, pasi zjarri rrezikoi banesa në Hoshtimë, Kerkovë dhe Bestrovë.

“90% e zjarreve janë të qëllimshme”, tha prefekti.

vlora

Sondazh

Poll

MË SHUMË