Bota

Shërbimet e inteligjencës iraniane mbeten në gatishmëri të lartë pavarësisht armëpushimit me Izraelin, arrestohet një 22-vjeçar për spiunazh

Që nga fillimi i luftës me Izraelin, në Iran janë kryer dhjetëra arrestime dhe madje edhe ekzekutime të individëve të akuzuar për spiunazh. Një student 22-vjeçar u arrestua në Izrael me dyshimin për spiunazh për Iranin.

26 Qershor 2025, 22:20 Nga N.F
Shërbimet e inteligjencës iraniane mbeten në gatishmëri
Foto

IRAN- Shërbimet e inteligjencës së Iranit mbeten në gatishmëri të lartë pavarësisht armëpushimit me Izraelin, raportuan sot mediat iraniane, ndërsa një student u arrestua në Izrael me dyshimin për spiunazh për Teheranin.

“Ndërprerja e operacioneve ushtarake të ushtrisë nuk do të thotë fundi i veprimeve dashakeqe dhe armiqësore të Izraelit”, raportoi sot agjencia e lajmeve Tasnim.

Që nga fillimi i luftës me Izraelin, në Iran janë kryer dhjetëra arrestime dhe madje edhe ekzekutime të individëve të akuzuar për spiunazh. Një student 22-vjeçar u arrestua në Izrael me dyshimin për spiunazh për Iranin.

I riu besohet se është përfshirë në aktivitete të lidhura me sigurinë bazuar në urdhra të marrë nga një agjent iranian dhe në këmbim të parave, sipas një deklarate të përbashkët të lëshuar sot nga Shin Bet (agjencia e sigurisë së brendshme të Izraelit) dhe policia.

Ndër veprimet për të cilat ai akuzohet janë përpjekja për të shkaktuar lëndime në fytyrë, nxitja e diskutimeve përçarëse në mediat sociale dhe shpërndarja e gozhdëve në një rrugë kryesore në Beersheba.

22-vjeçari, student në Universitetin Ben-Gurion në Beersheba dhe me origjinë nga fshati arab Deir al-Assad në Izraelin verior, u arrestua në qershor dhe do të përballet me akuza, thuhet në deklaratë, megjithëse nuk ishte e qartë nëse ai u arrestua para apo pas shpërthimit të luftës Iran-Izrael.

iran izrael

Sondazh

Poll

MË SHUMË