Aktualitet

Situata me zjarret/ Ministria e Mbrojtjes: Janë raportuar 7 vatra zjarri, 2 ende aktive

Sipas të dhënave nga Qendra Kombëtare Operacionale e Emergjencave Civile në AKMC, deri janë raportuar 7 vatra zjarri, ku janë shuar 5 vatra dhe 2 janë ende aktive. 

23 Qershor 2025, 12:39 Nga E. D
Situata me zjarret/ Ministria e Mbrojtjes: Janë raportuar 7 vatra zjarri, 2
foto ilustruese

TIRANË- Ministria e Mbrojtjes ka reaguar në lidhje me situatën e zjarreve në vend. Sipas të dhënave nga Qendra Kombëtare Operacionale e Emergjencave Civile në AKMC, deri janë raportuar 7 vatra zjarri, ku janë shuar 5 vatra dhe 2 janë ende aktive.

Gjithashtu vatrat aktive ndodhen aktualisht në qarkun e Kukësit dhe në qarkun e Vlorës. Pas një pune të pandërprerë të forcave operacionale në terren u bë i mundur izolimi i plotë dhe shuarja e vatrave në bashkinë Delvinës, Pogradecit, Tiranës, Lezhës dhe Mirditës. 

Njoftimi i Plotë:

Informacion mbi situatën e zjarreve
Data 23.06.2025, ora 12:00

Sipas të dhënave nga Qendra Kombëtare Operacionale e Emergjencave Civile në AKMC, deri në orën 12:00, datë 23.06.2025, janë raportuar 7 vatra zjarri.
Nga këto janë shuar 5 vatra zjarri dhe janë aktive 2 vatra zjarri.

Pas një pune të pandërprerë të forcave operacionale në terren u bë i mundur izolimi i plotë dhe shuarja e vatrave në:

1. Në lagjen “Mulliri i Artë”, bashkia Delvinë.
2. Në fshatin Alarup, njësia administrative Çërravë, bashkia Pogradec.
3. Në në rrugën e Elbasanit, njësia administrative Nr. 2, bashkia Tiranë.
4. Në fshatin Rilë, njësia administrative Shënkoll, bashkia Lezhë.
5. Në fshatin Malaj, njësia administrative Rrëshen, bashkia Mirditë.

Aktualisht, janë aktive vatrat në:

Qarku Vlorë
1. Në fshatin Llaman, bashkia Himarë, vatra e zjarrit është ende aktive, janë duke operuar: 3 automjete zjarrfikëse me 12 efektivë të MZSH Himarë, 40 efektivë FA nga DRM Gjirokastër me 4 automjete transporti dhe ⁠1 helikopter i FA.
Në mbështetje nga bashkia Himarë në terren janë edhe 30 forca nga Shërbimi Pyjor, nga Ndërmarrja e Shërbimeve Publike Himarë, nga njësitë administrative Himarë, Horë - Vranisht dhe Lukovë.

Qarku Kukës.
2. Në fshatin Kolsh, njësia administrative Mamëz, bashkia Kukës, po punohet për fikjen e zjarrit të rënë në vendgrumbullimin e mbetjeve urbane, situata drejt përmirësimit.

ministria e mbrojtjes

Sondazh

Poll

MË SHUMË