Politike

"Rama u tha prokurorëve se po lajthisni!" Takimi i Komitetit Parlamentar të Stabilizim Asociimit/ Bardhi shtron pyetjen: Na duhen rezultate konkrete apo strategji në letër

Ai shtoi se nga ky moment, pak para zgjedhjeve e deri në përfundim, rezultoi që jo vetëm prokurorët e SPAK nuk u panë më në terren për krimet zgjedhore, por nuk pati asnjë rezultat për të parandaluar krimet zgjedhore. 

18 Qershor 2025, 16:41 Nga M.B
"Rama u tha prokurorëve se po lajthisni!" Takimi i Komitetit
Gazment Bardhi

STRASBURG- Deputeti demokrat Gazment Bardhi ka marrë pjesë në takimin e 19-të të Komitetit Parlamentar të Stabilizim Asociimit zhvilluar në Strasburg. Bardhi tha se Kryeministri Edi Rama në një dalje mediatike i kërkoi prokurorisë së posaçme të ndalë menjëherë veprimin në terren. Ai shtoi se nga ky moment, pak para zgjedhjeve e deri në përfundim, rezultoi që jo vetëm prokurorët e SPAK nuk u panë më në terren për krimet zgjedhore, por nuk pati asnjë rezultat për të parandaluar krimet zgjedhore. Gjithashtu Bardhi shtroi pyetjen nëse "na duhen rezultate konkrete apo na duhet të kemi në letër strategji të bukura ?".

"Ju folët për task forcën e ngritur nga SPAK për zgjedhjet, është e vërtetë, por në 20 shkurt Kryeministri Rama në një dalje mediatike i kërkoi prokurorisë së posaçme të ndalë menjëherë veprimin në terren dhe unë dua ta citoj: “Po survejoni partitë politike, të ndalet menjëherë ndjekja e partive dhe aktiviteteve partiake. Nuk mund të cenoni të drejtat e qeverisë dhe t’i bëni trysni administratës publike. Uroj të jetë lajthitje e momentit”, ishte deklarata e kryeministrit.

Nga ky moment, nga 20 shkurti 2025, pak para zgjedhjeve e deri në përfundim, rezultoi që jo vetëm prokurorët e SPAK nuk u panë më në terren për krimet zgjedhore por nuk pati asnjë rezultat për të parandaluar krimet zgjedhore. Nëse rezultatet e këtyre hetimeve i marrim në 2030, nuk ndihmon as në ndikimin as në parandalimin e krimeve zgjedhore. Pyetja ime për Komisionin Europian është, "Na duhen rezultate konkrete apo na duhet të kemi në letër strategji të bukura që qëllimin mund ta kenë pozitiv, por në realitet nuk sjellin asgjë", tha Bardhi.

gazment bardhi

Sondazh

Poll

MË SHUMË