Bota

VIDEO/ Situata e rënduar në Gaza, turmat e palestinezëve kalojnë mbi gardhin metalik dhe vrapojnë drejt vendit të ndihmës

OKB-ja dhe grupet e tjera të ndihmës refuzojnë të bashkëpunojnë me sistemin GHF, duke thënë se ai bie ndesh me parimet humanitare të neutralitetit, paanshmërisë dhe pavarësisë.

13 Qershor 2025, 21:33 Nga r.ll
VIDEO/ Situata e rënduar në Gaza, turmat e palestinezëve
foto e palestinezeve

GAZA- Qindra palestinezë janë filmuar ndërsa nxitojnë të hyjnë në një vend ndihme të drejtuar nga Fondacioni Humanitar i Gazës (GHF).

GHF është një grup kontrovers i mbështetur nga Izraeli dhe SHBA-të që synon të anashkalojë OKB-në si furnizuesin kryesor të ndihmës për palestinezët. OKB-ja dhe grupet e tjera të ndihmës refuzojnë të bashkëpunojnë me sistemin GHF, duke thënë se ai bie ndesh me parimet humanitare të neutralitetit, paanshmërisë dhe pavarësisë.

Videoja u nda nga Alon Lee-Green, një aktivist izraelit kundër luftës, i cili tha se e kishte marrë atë nga një punonjës i "kompanisë amerikane në Gaza".

"Por ky nuk është një film për katastrofë, por ferri që krijuam në Gaza", shkroi ai. "Kështu duken njerëzit e uritur, që nxitojnë për ushqim ndërsa rrezikojnë jetën e tyre. Kështu duket dehumanizimi i miliona njerëzve".

Izraeli nuk lejon organizatat ndërkombëtare të lajmeve, përfshirë BBC-në, të hyjnë në Gaza, duke e bërë të vështirë verifikimin e asaj që po ndodh në territor. Pothuajse çdo ditë që kur GHF filloi shpërndarjen e ndihmave më 26 maj, palestinezë janë vrarë duke u përpjekur të marrin ndihmë pranë njërës ose tjetrës prej katër qendrave që ajo ka hapur deri më tani.

Ministria e shëndetësisë e Gazës, e drejtuar nga Hamasi, thotë se që atëherë, gjithsej 223 persona janë vrarë dhe 1,858 të tjerë janë plagosur, ndërsa përpiqeshin të arrinin në zonat e caktuara për shpërndarjen e ndihmave.

gaza

Sondazh

Poll