Bota

Izraeli sulmon sërish civilët në Gaza që presin në radhë për ndihmë humanitare! Kontradikta e Netanyahu-t: Kemi formuluar një propozim paqeje

Ministrisë lokale të Shëndetësisë, të paktën 36 persona u vranë dhe mbi 200 u plagosën në një seri të shtënash që ndodhën pranë qendrave të shpërndarjes të menaxhuara nga Fondacioni Humanitar i Gazës.

12 Qershor 2025, 09:27 Nga M.B
Izraeli sulmon sërish civilët në Gaza që presin në
Foto nga vendi i ngjarjes

LINDJE E MESEM- Njerëzit në Gaza vazhdojnë të vdesin edhe ndërsa kërkojnë ushqim. Sipas Ministrisë lokale të Shëndetësisë, të paktën 36 persona u vranë dhe mbi 200 u plagosën në një seri të shtënash që ndodhën pranë qendrave të shpërndarjes të menaxhuara nga Fondacioni Humanitar i Gazës.

GHF, një organizatë e mbështetur nga Izraeli dhe Shtetet e Bashkuara, ka marrë përsipër menaxhimin e ndihmës nga Kombet e Bashkuara. Megjithatë, aktivitetet e saj shpesh zhvillohen në kushte ekstreme, ku dëshpërimi i popullsisë përplaset me kontrollin e armatosur të territorit.

Ushtria izraelite konfirmoi se hapi zjarr me "të shtëna paralajmëruese" drejt civilëve të konsideruar si "kërcënim". Ngjarjet ndodhën pranë Korridorit Netzarim. Forcat Mbrojtëse të Izraelit thanë se ishin në dijeni të viktimave dhe se kishin filluar hetimin e incidentit.

Sulmet vijojnë në një kohë kur kryeministri izraelit Benjamin Netanyahu njofton se ka formuluar një propozim paqeje për Hamasin. Sipas raportimeve nga transmetuesi izraelit Army Radio, kryeministri Benjamin Netanyahu, ministri i Çështjeve Strategjike Ron Dermer dhe ministri i Mbrojtjes Israel Katz kanë rënë dakord për përgjigjen zyrtare të Izraelit ndaj Hamasit.

Për momentin, përmbajtja e propozimit izraelit nuk është bërë publik. E vetmja siguri është se Hamasi e kishte refuzuar planin e mëparshëm sepse i mungonin garancitë se, në fund të armëpushimit 60-ditor (gjatë të cilit pritet të dorëzohen 28 pengje, 10 prej të cilëve janë ende gjallë), Izraeli nuk do të rifillonte sulmet sikur të mos kishte ndodhur asgjë.

 

lindje e mesme

Sondazh

Poll

MË SHUMË