Bota

“Nuk është amerikan!" "Rishkruhen" rrënjët familjare të Papës së ri?! Mediat e huaja: Leoni XIV, një përzierje e Siçilisë, Francës dhe SHBA-ve

Thashetheme gjithnjë e më këmbëngulëse kanë filluar të qarkullojnë për një lidhje të padeklaruar italiane, me referenca për një qytet të vogël në Jug që deri më tani nuk ishte shfaqur në asnjë biografi zyrtare.

12 Qershor 2025, 08:37 Nga M.B
“Nuk është amerikan!" "Rishkruhen"
Papa Leoni XIV

ITALIA- Të tjera teori po qarkullojnë në mediat e huaja kryesisht ato italiane lidhur me origjinën e vërtet të Papa Leonit XIV. Ndër to shkruhet se rasti i Papës së ri, imazhi publik i të cilit ka qenë gjithmonë i lidhur me Shtetet e Bashkuara, nuk qëndron kështu.

Javët e fundit kanë qenë të mbushura me një rritje të dyshimeve dhe pyetjeve, të lindura nga vëzhgimet dhe rindërtimet gjenealogjike që kanë ngjallur kuriozitetin e përdoruesve dhe ekspertëve. Thashetheme gjithnjë e më këmbëngulëse kanë filluar të qarkullojnë për një lidhje të padeklaruar italiane, me referenca për një qytet të vogël në Jug që deri më tani nuk ishte shfaqur në asnjë biografi zyrtare.

Reagimet nuk vonuan shumë ndërsa disa e pritën me entuziazëm këtë zbulim të mundshëm, të tjerë filluan të gërmonin më thellë, duke kërkuar konfirmim në dokumentet arkivore dhe të dhënat e emigracionit. Dhe ishte në këtë kontekst që një video e postuar në internet filloi të qarkullonte duke nxjerrë në dritë detaje të habitshme rreth prejardhjes familjare të Papës.

Ajo që është më interesante, sipas mediave të huaja, është rrëfimi i një udhëtimi transatlantik, të ndërmarrë nga një burrë që ndryshoi emrin, gjuhën dhe identitetin e tij, në një epokë në të cilën gjithçka mund të rishkruhej ende. Dhe ky rishkrim, sot, duket se është kthyer prapa, gati për të treguar një të vërtetë që nuk u tha kurrë.

Sipas hulumtimeve, origjina e Papa Prevost do të ishte shumë e ndryshme nga ajo që besohej deri më tani. Autori zbulon se, pas një pune të gjatë kërkimore të kryer nga kolegë në Shtetet e Bashkuara dhe Francë, doli një emër që ndryshon gjithçka: Giovanni Riggitano, i lindur në Milazzo, Siçili, ky do të ishte emri i vërtetë i gjyshit të Papës.

Në media shkruhet se pasi u largua për në Shtetet e Bashkuara, Giovanni mori identitetin e ri të John Prevost, duke u bërë mësues frëngjishteje. Pas një lidhjeje me Suzanne Fontaine, nga e cila lindi një djalë, mbiemri Prevost filloi të transmetohej brez pas brezi. Gjenealogjia e zbuluar rishkruan rrënjët familjare të Papës, duke treguar se si historia e tij është e lidhur ngushtë me Italinë Jugore, në një rrëfim që kalon oqeanin.

papa leoni xiv

Sondazh

Poll

MË SHUMË