Bota

Të shtënat me armë zjarri në një shkollë në Austri, rritet bilanci i tragjedisë, shkon 10 numri i viktimave

Ajo e përshkroi sulmin si “tragjedi e tmerrshme”. Khar tha se shumë njerëz të tjerë janë dërguar në spitale për shkak të plagëve. Policia austriake tha se beson se sulmuesi veproi i vetëm.

10 Qershor 2025, 14:46 Nga M.B
Të shtënat me armë zjarri në një shkollë në
Foto nga vendi i ngjarjes

AUSTRIA- Të paktën dhjetë njerëz, përfshirë shtatë nxënës, janë vrarë të martën në një sulm të dyshuar me armë në një shkollë në qytetin Grac, në jug të Austrisë, raportojnë mediat austriake. Kryetarja e qytetit, Elke Kahr, tha se sulmuesi i dyshuar është vrarë gjithashtu.

Ajo e përshkroi sulmin si “tragjedi e tmerrshme”. Khar tha se shumë njerëz të tjerë janë dërguar në spitale për shkak të plagëve. Policia austriake tha se beson se sulmuesi veproi i vetëm.

Edhe Forcat Speciale janë dërguar në gjimnazin BORG Dreierschützengasse, pas një telefonate në orën 10:00 të mëngjesit. Rreth një orë më vonë, policia njoftoi në rrjetin social X se të gjithë janë evakuuar nga shkolla dhe janë dërguar në vend të sigurt.

Policia shtoi se situata është “nën kontroll” dhe se nuk ka më rrezik. Grac, qyteti i dytë më i madh i Austrisë, ndodhet në juglindje të vendit dhe ka rreth 300.000 banorë./ REL

austria

Sondazh

Poll

MË SHUMË