Bota

Guterres: Bota duhet të kalojë nga plaçkitja në mbrojtje për të shpëtuar oqeanet!

Konferenca, e cila synon të vërë më në fund në fuqi traktatin për detin e hapur, vjen në një sfond të konkurrencës në rritje për burimet oqeanike.

9 Qershor 2025, 21:01 Nga N.F
Guterres: Bota duhet të kalojë nga plaçkitja në mbrojtje
Guterres

SHBA- Shefi i OKB-së, Antonio Guterres është shprehur ditën e sotme kombet duhet të kalojnë nga “plaçkitja në mbrojtje” për të shpëtuar detet e botës nga kriza Ai u shpreh se të gjitha vendet duhet të paraqiten me “premtime të guximshme”, duke përfshirë një objektiv të biodiversitetit për të mbrojtur të paktën 30% të oqeanit deri në vitin 2030, për të luftuar ndotjen nga plastika, peshkimin e tepërt dhe për një qeverisje më të mirë të deteve të hapura.

“Shpresoj se mund ta ndryshojmë rrjedhën e ngjarjeve. Shpresoj se mund të kalojmë nga plaçkitja në mbrojtje.” tha ai.

Guterres theksoi se jetojmë në një epokë trazirash, por vendosmëria që sheh në samitin në Nisë i jep shpresë. Në samit merrnin pjesë 60 udhëheqës botërorë, përfshirë presidentin brazilian, Luiz Inácio Lula da Silva, dhe homologun e tij argjentinas, Javier Milei, krerë të shteteve të vogla ishullore në zhvillim, si dhe ministra, politikëbërës, shkencëtarë dhe aktivistë të shoqërisë civile.

Konferenca, e cila synon të vërë më në fund në fuqi traktatin për detin e hapur, vjen në një sfond të konkurrencës në rritje për burimet oqeanike. Në prill, Donald Trump ndërmori një hap të shpejtë drejt minierave në det të thellë sipas ligjit amerikan, duke anashkaluar përpjekjet e vazhdueshme ndërkombëtare për të rregulluar industrinë. Veprimet e tij i kanë dhënë urgjencë zërave të atyre që kërkojnë një moratorium, mes paralajmërimeve se kjo do të shkaktojë dëme të pakthyeshme në ekosistemet e cenueshme.

Deri më tani, 37 vende kanë njoftuar mbështetjen e tyre për një moratorium ose pauzë, dhe në korrik, Autoriteti Ndërkombëtar i Shtratit të Detit (ISA) do të takohet për të diskutuar një kod global të minierave.

guterres

Sondazh

Poll