Bota

Bisedimet SHBA-Kinë/ Palët do diskutojnë për herë të dytë tarifat tregtare në Londër

Sipas një deklarate nga ministria kineze ai do të jetë në Britaninë e Madhe nga 8 deri më 13 qershor me ftesë të qeverisë britanike.

8 Qershor 2025, 17:51 Nga DOSJA
Bisedimet SHBA-Kinë/ Palët do diskutojnë për herë
foto ilustruese

LONDËR- Ministria e Punëve të Jashtme kineze ka njoftuar se zëvendëskryeministri kinez He Lifeng do të takohet me delegacionin amerikan në Britaninë e Madhe javën e ardhshme për bisedime tregtare. Sipas një deklarate nga ministria kineze ai do të jetë në Britaninë e Madhe nga 8 deri më 13 qershor me ftesë të qeverisë britanike. 

Zëvendëspresidenti kinez do të bashkëkryesojë takimin e parë të Mekanizmit të Konsultimeve Ekonomike dhe Tregtare Kinë-SHBA me përfaqësues të SHBA-së. Presidenti i SHBA-së, Donald Trump, tha të premten se bisedimet tregtare Kinë-SHBA do të mbahen në Londër të hënën, në një përpjekje për të arritur një marrëveshje midis dy fuqive në mosmarrëveshjen doganore.

Trump shkroi në rrjetin e tij social “Truth Social” se delegacioni amerikan do të përbëhet nga Sekretari i Financave Scott Bessent, Sekretari i Tregtisë Howard Lutnick dhe Përfaqësuesi i Tregtisë i Shtëpisë së Bardhë Jamieson Greer.

Do të jetë takimi i dytë midis përfaqësuesve kinezë dhe amerikanë, pas rikthimit të Donald Trump në Shtëpinë e Bardhë. I pari, i mbajtur në mesin e majit në Gjenevë, qetësoi përkohësisht mosmarrëveshjen tregtare midis dy ekonomive kryesore të botës për shkak të masave të reja doganore të SHBA-së.

Megjithatë, Trump më pas akuzoi Pekinin se nuk po i përmbahej kushteve të asaj marrëveshjeje për deeskalimin. Në prill, Trump rriti tarifat për mallrat kineze në 145 përqind, ndaj të cilave Kina iu përgjigj duke rritur tarifat për importet e mallrave amerikane në 125 përqind.

shba kine

Sondazh

Poll