Sport

Cellino nuk paguan borxhet: Brescia falimenton pas 114 vitesh histori…

Pronari i klubit nuk pagoi paratë e nevojshme për të shmangur falimentimin e kompanisë.

7 Qershor 2025, 09:00 Nga DOSJA

Cellino nuk paguan borxhet: Brescia falimenton pas 114 vitesh histori…

ITALI - Pas 114 vitesh histori, Brescia ka falimentuar. Afati për të shlyer borxhet e papaguara në lidhje me kaosin, që çoi në penalizimin dhe rënien e "Leonës" nga kategoria, në fakt ka skaduar, kur afërsisht tre milionë euro (nga një borxh total prej 9 milionë eurosh) ishin të nevojshme për të shmangur mospagesën e kompanisë dhe për të paguar pagat e një muaji, dy pagesa Irpef dhe një pagesë Inps.

Këto do të nevojiteshin për të garantuar regjistrimin në një kampionat professional, gjë që nuk u bënë nga llogaritë e kompanisë së pronarit Massimo Cellino. Një veprim që në thelb ka "shtypur prizën" në klubin, ku kanë luajtur edhe kampionë të kalibrit të Roberto Baggio dhe Guardiola.

Me rregulloret në fuqi, Brescia tani do të duhet të fillojë nga e para nga amatorët, por autoritetet dhe institucionet lokale tashmë po punojnë për të kuptuar se si t'i garantojnë klubit të paktën një të ardhme në Serie C. Ndoshta kthimi te emri i vjetër "Brescia Calcio 1911" ose përfshirja e klubeve të tjera fqinje, si Ospitaletto, Lumezzane dhe Feralpisalò.

Falimentimi i Brescias erdhi pas dënimit me gjobë për shkelje administrative që rezultuan në rënie në Serie C. Një procedurë që e përshpejtoi situatën, duke hapur zyrtarisht krizën e klubit dhe ndaj së cilës Cellino iu përgjigj duke iu drejtuar Gjykatës Federale të Apelit dhe duke e deklaruar veten viktimë të një mashtrimi nga një kompani e jashtme, së cilës i ishte drejtuar për transferimin e kredive tatimore të kontestuara.

Për të shmangur kolapsin e Brescias, mijëra tifozë ishin mobilizuar ditët e fundit, por protestat e mbështetësve të Brescias dhe thirrjet e kryetarit të bashkisë dhe presidentëve të provincës dhe rajonit nuk ishin të mjaftueshme për të shmangur skenarin më të keq për klubin.

B.T (Dosja.al)