Bota

Moska, mesazh për Vuçiç: Serbia i kupton rreziqet e rënies së armëve të tyre në duart e Kievit

Moska është e bindur se Serbia i kupton rreziqet e rënies së produkteve të saj të kompleksit ushtarako-industrial në duart e Kievit, tha përfaqësuesja zyrtare e Ministrisë së Punëve të Jashtme Ruse, Maria Zakharova, gjatë një konference në Moskë.

4 Qershor 2025, 22:15 Nga M.B
Moska, mesazh për Vuçiç: Serbia i kupton rreziqet e
Aleksandër Vuçiç dhe Vladimir Putin

RUSIA- Rusia në mënyrë indirekte ka “kërcënuar” Serbinë sa i përket dërgimit të armëve në Ukrainë. Moska është e bindur se Serbia i kupton rreziqet e rënies së produkteve të saj të kompleksit ushtarako-industrial në duart e Kievit, tha përfaqësuesja zyrtare e Ministrisë së Punëve të Jashtme Ruse, Maria Zakharova, gjatë një konference në Moskë.

Sipas saj, Rusia është e bindur se Beogradi zyrtar do të marrë masa efektive në lidhje me këtë çështje. Rusia ka marrë parasysh premtimet e presidentit Aleksandar Vuçiç se Serbia do të ndërmarrë hapa për të ndaluar furnizimin e municioneve serbe në Ukrainë.

Moska beson se masat e shpallura do të lejojnë që marrëveshje të tilla të përfundojnë në kohën e duhur. Shërbimi i Inteligjencës së Jashtme Ruse deklaroi së fundmi se, pavarësisht neutralitetit të deklaruar të Beogradit, fabrikat serbe të mbrojtjes vazhdojnë të furnizojnë municione në Kiev.

lufta rusi-ukraine

Sondazh

Poll

MË SHUMË