Politike

Rinumërim votash në Tiranë dhe Durrës! KAS legjitimon kërkesën e kandidatëve të PD-së Aulon Kalaja dhe Asllan Dogjani

Bëhet me dije se pas shqyrtimit fillestar në dhomë këshillimi, KAS vendosi të pranojë kërkesën si të ligjshme dhe ta kalojë për shqyrtim të mëtejshëm.

4 Qershor 2025, 15:13 Nga M.B
Rinumërim votash në Tiranë dhe Durrës! KAS legjitimon
Foto ilustruese

TIRANA- Komisioni i Ankimimeve dhe Sanksioneve ka legjitimuar kërkesën e dy kandidatëve të Partisë Demokratike-ASHM, Asllan Dogjani dhe Aulon Kalaja, të cilët kërkuan rinumërimin e votave në qarqet Tiranë dhe Durrës. Bëhet me dije se pas shqyrtimit fillestar në dhomë këshillimi, KAS vendosi të pranojë kërkesën si të ligjshme dhe ta kalojë për shqyrtim të mëtejshëm.

Vendimi i KAS vjen pas pretendimeve të kandidatëve për parregullsi në procesin e numërimit të votave, të cilat, sipas tyre, kanë ndikuar në rezultatin përfundimtar.

Pretendimi i kandidatit Aulon Kalaja

Kandidati në listën e hapur të PD-Aleancës për Shqipërinë Madhështore në zgjedhjet 11 majit në qarkun Durrës, Aulon Kalaja ishte ndër të parët nga radhët e opozitës që deklaroi se kishte dyshime që vota e tij ishte deformuar brenda kandidatëve të koalicionit.

Sipas rezultateve të Komisionit Qendror të Zgjedhjeve, Kalaja u rendit i dyti në listën e hapur të opozitës në Durrës, me 7291 vota, ndërkohë që mandatin e vetëm të kësaj liste e mori ish-prokurori Arian Ndoja me 8249 vota.

“I kam bërë thirrje SPAK, që këtë telefon ta vinin në përgjim dhe të shihnin kam blerë vota. Këto janë vota të pastra, unë nuk i njoh njerëzit që më kanë votuar. E kam me konkurrentët brenda partisë, jo vetëm ma kanë vjedhur por dhe ma kanë trafikuar brenda kutisë, dhe për këtë do të bëjë kallëzim. Krimi është brenda kutisë, dhe i kam lënë vetë, që të shkojmë në prokurori se dikush duhet të bëhet shembull”, deklaroi Aulon Kalaja pas zgjedhjeve.

kqz zgjedhjet

Sondazh

Poll

MË SHUMË