Aktualitet

I dënuar në Angli për shitje droge, Prokuroria e Tiranës sekuestron pasuritë e një personi

Në njoftim Prokuroria bën me dije se shtetasi me inicialet A.Ll nuk justifikon ekonomikisht këto pasuri të cilat dyshohet se rrjedhin nga veprimtari kriminale.

2 Qershor 2025, 10:27 Nga N.F

I dënuar në Angli për shitje droge, Prokuroria e Tiranës

TIRANË- Prokuroria e Tiranës ka sekuestruar pasuritë e një personi të dënuar për drogë në Angli. Në njoftim Prokuroria bën me dije se shtetasi me inicialet A.Ll nuk justifikon ekonomikisht këto pasuri të cilat dyshohet se rrjedhin nga veprimtari kriminale.

Pasuritë e sekuestruara janë një truall me sipërfaqe totale 403.1 m2 dhe 275.2 m2 ndërtesë. Gjithashtu janë sekuestruar 2 automjete të tipit "Opel Corsa" dhe "Geep Grand Cherokke". Prokuroria ka sekuestruar edhe një servis automjetesh.

Njoftimi i plotë:

Prokuroria pranë Gjykatës së Shkallës së Parë të Juridiksionit të Përgjithshëm, Tiranë sekuestroi pasuritë e shtetasit A.Ll. i dënuar në Angli për veprën penale ‘Prodhim, shitje të lëndëve narkotike’ parashikuar nga neni 283 i Kodit Penal.

Në kuadër të hetimeve mbi procedimin pasuror nr.04, datë 22.05.2025, rezultoi se shtetasi A.Ll është dënuar në Angli për veprën penale ‘Prodhim, shitje të lëndëve narkotike’ parashikuar nga neni 283 i Kodit Penal dhe pasuritë e tij nuk justifikohen nga pikëpamja ekonomike e dyshohet se lidhen e rrjedhin nga veprimtaria kriminale.

Shtetasi B.Ll. (babai i subjektit) ka në pronësi pasuri truall me sipërfaqe prej rreth 275.2 m2 dhe një godinë 2 kateshe + bodrum + papafingo të rregjistruar më datë 24.03.2021. Ndërsa vëllai i tij një aktivitet privat me fushë të veprimtarisë riparim automjetesh, tregti me pakicë te pjesëve të perdorura dhe te reja, import, shitje dhe blerje makinash.

Nga analiza e fakteve dhe e dokumentacionit të administruar për sa i përket pasurisë së luajtshme të shtetasit A.Ll., rezulton se ka një nivel të pajustifikuar ekonomik dhe dyshohet se kjo pasuri është fituar si rezultat i veprimtarisë së tij kriminale në aktivitetin e prodhim dhe shitje narkotikësh.

Për këtë arsye, Prokuroria pranë Gjykatës së Shkallës së Parë të Juridiksionit të Përgjithshëm, Tiranë kërkoi sekuestrimin e pasurive të mëposhtme që rezultojnë të regjistruara në emër të personave të lidhur me subjektin:

• Pasuria e paluajshtme me nr. 416/118, me sip totale 403.1 m2 “Truall” dhe 275.2 m2 ndërtesë, ½ pjesë;

• 2 automjete të tipit Opel Corsa dhe Geep Grand Cherokke; dhe

• Aktivitetin tregtar me fushë të veprimtarisë riparim automjetesh, tregti me pakicë ë pjesëve të përdorura dhe të reja, import, shitje dhe blerje makinash me emrin tregtar Auto Lleshi, NUIS L52116150G.

prokuroria e tiranes

Sondazh

Poll

MË SHUMË