Sport

Ndërsa PSG ngre kupën, trajneri Luis Enrique duartroket Interin: "Dua t'i falënderoj"...

Trajneri spanjol shpjegoi arsyen e gjestit të tij: "Pavarësisht dhimbjes së humbjes, ata pritën që ne të mbaronim festimet"

1 Qershor 2025, 15:17 Nga DOSJA
Ndërsa PSG ngre kupën, trajneri Luis Enrique duartroket Interin:

GJERMANI - Në mbrëmjen e festimeve për PSG-në, e cila fitoi Ligën e Kampionëve për herë të parë duke mposhtur Interin 5-0, një skenë habiti disa tifozë të pranishëm në stadiumin e Mynihut. Ndërsa skuadra pariziene ngriti kupën, Luis Enrique iu drejtua ekipit zikaltër dhe i duartrokiti me entuziazëm.

Një gjest i lojës së ndershme që trajneri spanjol e shpjegoi në konferencën për shtyp pas ndeshjes: "Dua të nxjerr në pah një skenë që është shumë e vështirë për t'u parë në fund të një finaleje, kur merr trofeun. Dua ta lavdëroj Interin në mënyrë absolute: të gjithë lojtarët dhe i gjithë stafi qëndruan për të pritur me respekt, në fushë, derisa ne mbaruam së festuari.

Pavarësisht dhimbjes së humbjes, ata zgjodhën të qëndronin atje. Mendoj se është një mësim i shkëlqyer për fëmijët, në jetë dhe në futboll fiton dhe humb. Gjithashtu duhet të dish si të humbasësh, në këtë botë ka njerëz që dinë vetëm si të fitojnë. Jo: duhet t'i tregosh respekt rivalit tënd edhe kur humb, siç bëri Interi. I falënderoj për këtë".

B.T (Dosja.al)

Sondazh

Poll

MË SHUMË