Sport

Vazhdimësia e Mourinhos te Fenerbahçes në rrezik. Kandidati për president nuk e do!

Kandidati për president, Hakan Bilal Kutlualp, thotë se ‘Special One’ duhet të synojë tani futbollin arab

28 Maj 2025, 19:00 Nga DOSJA
Vazhdimësia e Mourinhos te Fenerbahçes në rrezik. Kandidati

TURQI - Fenerbahçe do të mbajë zgjedhje për një bord të ri në shtator dhe vazhdimësia e José Mourinhos mund të ndikohet, në vartësi se kush do të fitojë votat.

Në këtë drejtim, Hakan Bilal Kutlualp, ish-drejtor i Komitetit të Marrëdhënieve me Jashtë të Federatës Turke të Futbollit, do të jetë një nga kandidatët dhe e ka bërë mjaft të qartë, se nuk do të mbështetet te ‘Special One’, nëse zgjidhet ai.

"José Mourinho nuk ka më vend në futbollin evropian. Ai ndoshta do të duhet t'i drejtohet futbollit në Lindjen e Mesme. Dua një trajner gjerman, sepse ata janë më të përkushtuar dhe të disiplinuar. Trajneri më i mirë që Fenerbahçe ka pasur në 20 vitet e fundit ishte Christopher Daum.

Dua dikë që luan futboll sulmues dhe që e bën ekipin të shënojë shumë gola", tha kandidati në seancën e prezantimit, në një kohë kur ai ende po mbledh nënshkrime për ta bërë procesin zyrtar. 

Bilal Kutlualp tregoi gjithashtu premtimin e tij të parë elektoral: "Nëse nuk jam kampion në sezonin tim të parë... do të jap dorëheqjen menjëherë."

B.T (Dosja.al)

Sondazh

Poll

MË SHUMË