SERBI- Përfaqësuesja e Lartë e BE-së për Politikën e Jashtme dhe të Sigurisë, Kaja Kallas, gjatë bisedimeve që zhvilloi në Beograd me udhëheqjen politike serbe, theksoi se është e domosdoshme të ndërmerren menjëherë reforma që lidhen me lirinë e medias, luftën kundër korrupsionit dhe legjislacionin zgjedhor.
“Prej diskutimeve të mia me udhëheqjen politike të Serbisë është e qartë se anëtarësimi në Bashkimin Evropian mbetet një objektiv strategjik. Por dua të theksoj se duhet të shohim veprime konkrete që do të mbështesin këto fjalë. Nuk ka rrugë të shkurtra drejt anëtarësimit. Duhet të arrihet përparim i vërtetë. Hapat e ardhshëm janë shumë të qartë: përfshijnë lirinë e medias, luftën kundër korrupsionit dhe reformat zgjedhore”, deklaroi Kallas në një konferencë për shtyp.
Komisionerja e BE-së u takua në Beograd me presidentin e Serbisë Aleksandar Vuçiç, kryeministrin Đuro Matsuć, kryetaren e Parlamentit Ana Brnabić, përfaqësues të partive opozitare si dhe me një delegacion studentësh. Nga presidenti serb, Kallas kërkoi që fjalët të shoqërohen me vepra në rrugën evropiane të Serbisë, në mënyrë që vendi të mund të përfitojë nga klima pozitive për zgjerimin e BE-së që ekziston aktualisht brenda Unionit. Për sa i përket çështjes së Kosovës, ajo theksoi nevojën për vazhdimin e dialogut për normalizimin e marrëdhënieve mes Beogradit dhe Prishtinës.
“Ka ardhur koha që të kapërcehet e kaluara dhe që të dyja palët të punojnë për një të ardhme të përbashkët,” nënvizoi Kaja Kallas, duke theksuar nevojën për rifillimin e dialogut nën kujdesin e BE-së.
Nga presidenti Vuçiç, Komisionerja kërkoi gjithashtu që të luajë një rol konstruktiv për stabilitetin dhe sigurinë në Bosnje-Hercegovinë. Vizita e Vuçiç në Moskë më 9 maj ishte gjithashtu temë diskutimi, dhe siç tha Kallas në konferencën për shtyp, ajo i tha presidentit serb se nuk e kupton pse ishte e nevojshme të qëndronte krah për krah me dikë që po zhvillon një luftë të plotë në Ukrainë. Ajo theksoi se vendet kandidate për anëtarësim në BE janë të detyruara të harmonizojnë politikën e tyre të jashtme me atë të BE-së.
“Dëshironi të jeni me ne? Nëse po, atëherë ejani të punojmë së bashku këtë presim nga vendet kandidate”, theksoi ajo.
Duke komentuar zhvillimet e brendshme në Serbi dhe protestat studentore, Kallas tha se Brukseli po e ndjek nga afër situatën. Ajo theksoi nevojën për të mbrojtur autonominë e universiteteve dhe dënoi ndërhyrjet politike në sistemin e drejtësisë në lidhje me rastin e ndalimit të aktivistëve të opozitës që akuzohen për përmbysje të rendit kushtetues. Beogradi është ndalesa e parë e turneut të Komisioneres për Politikë të Jashtme në tre vende të Ballkanit Perëndimor. Ajo do të vizitojë Kosovën dhe Maqedoninë e Veriut gjatë ditës së nesërme.
Kaja Kallas KOSOVË- Shefja e diplomacisë e Bashkimit Evropian, Kaja Kallas, u ka bërë thirrje partive parlamentare në Kosovë...
Ajola Xoxa dhe Erion Veliaj TIRANA- Prokuroria e Posaçme ka njoftuar ngritjen e një akuze të re ndaj kryebashkiakut të Tiran&eum...
Pjesë nga videoja TIRANA- Kryeministri Edi Rama, me anë të një postimi në rrjetet sociale thotë se helikopterët Bla...
foto ilustruese KOSOVË- Shefja e diplomacisë e Bashkimit Evropian porositi këtë javë se “tani është koha për...
Ajola Xoxa TIRANA- Gjykata e Lartë ka rrëzuar kërkesën e bashkëshortes së kryebashkiakut të Tiranës Erion Veli...
Anuela Ristani TIRANË- Vala e shkarkimeve nga detyra në Bashkinë e Tiranës po vijon ende, teksa Erion Veliaj mbetet në burg. M&eum...
Ilirjan Celibashi TIRANË- Kryekomisioneri Ilirjan Celibashi ka komentuar akuzat e Partisë Demokratike për përdorimin e 'trenit bul...
blendi himci TIRANË- Kandidati për deputet i PD-së në qarkun e Elbasanit, Blendi Himçi tha sot në një deklaratë ...
Ilirjan Celibashi TIRANË- Kryekomisioneri Ilirjan Celibashi iu është përgjigjur akuzave të Opozitës në lidhje me ma...
Ilirjan Celibashi TIRANË- Kryekomisioneri Ilirjan Celibashi ka theksuar se gjatë zgjedhjeve platformat e KQZ-së kanë qenë n&e...