Bota

"Nuk më është dashur ta blej kurrë sepse ma japin si dhuratë", një shaka për orizin e detyron ministrin e Bujqësisë në Japoni të dorëhiqet

Japonia po përballet me krizën e parë të kostos së jetesës në dekada, e cila po godet një produkt bazë të dashur për popullin: orizin. Çmimi është më shumë se dyfishuar vitin e kaluar dhe varietetet e importuara janë të rralla.

22 Maj 2025, 09:01 Nga r.ll
"Nuk më është dashur ta blej kurrë sepse ma japin si
taku eto

JAPONI- Kur ministri i Bujqësisë i Japonisë deklaroi se nuk i është dashur kurrë të blejë oriz sepse mbështetësit e tij i japin "shumë" prej tij si dhuratë, nuk e kishte menduar se kjo deklaratë do i kushtonte vendin e punës. Taku Eto shkaktoi zemërim me shakanë e tij, mjaftueshëm sa për ta detyruar të jepte dorëheqjen.

Japonia po përballet me krizën e parë të kostos së jetesës në dekada, e cila po godet një produkt bazë të dashur për popullin: orizin. Çmimi është më shumë se dyfishuar vitin e kaluar dhe varietetet e importuara janë të rralla.

Eto kërkoi falje, duke thënë se kishte shkuar "tepër larg" me komentet e tij të dielën në një aktivitet lokal për mbledhje fondesh. Ai dha dorëheqjen pasi partitë e opozitës kërcënuan me një mocion mosbesimi kundër tij, shkruan BBC. 

Largimi i tij nga puna i jep një goditje të re qeverisë së pakicës të kryeministrit Shigeru Ishiba, e cila tashmë po përballej me rënien e mbështetjes publike.

Orizi mund të jetë një shkaktar i fuqishëm në Japoni, ku mungesat kanë shkaktuar trazira politike edhe më parë. Trazirat për shkak të kostos në rritje të orizit madje rrëzuan një qeveri në vitin 1918. Pra, nuk është aq e habitshme që çmimet e orizit kanë një rol në rënien e ndjeshme të vlerësimeve të Ishibës.

taku eto japoni

Sondazh

Poll

MË SHUMË