Bota

Megaoperacion në disa qytete të Italisë/ Arrestohen 97 anëtarë të Ndrangheta, sekuestrohen dy kompani ku pastroheshin paratë

Të arrestuarit akuzohen, ndër të tjera, për aktivitet mafioz, trafik ndërkombëtar droge, zhvatje parash, bashkëpunim në manipulim votash dhe rrëmbime me qëllim mbledhjen e shpërblimeve.

21 Maj 2025, 10:04 Nga N.F
Megaoperacion në disa qytete të Italisë/ Arrestohen 97
Foto ilustruese

ITALI- Nëntëdhjetë e shtatë anëtarë të mafies kalabreze, Ndragheta dhe një numër bashkëpunëtorësh të tyre u arrestuan këtë mëngjes në Reggio Calabria pas një operacioni të karabinierëve. Të arrestuarit akuzohen, ndër të tjera, për aktivitet mafioz, trafik ndërkombëtar droge, zhvatje parash, bashkëpunim në manipulim votash dhe rrëmbime me qëllim mbledhjen e shpërblimeve.

Sipas asaj që është publikuar deri më tani, disa nga të arrestuarit dyshohet se menaxhonin në një regjim monopoli trafikimin e drogës në shumë zona të Kalabrisë. Operacioni u quajt "Mileniumi" dhe arrestimet përveç Reggio Calabria-s u kryen në Milano, Monza, Bolonjë, Rimini dhe Pavia. Në të njëjtën kohë, u sekuestruan dy kompani që operonin në sektorin e ndërtimit dhe industrinë e ushqimit, përmes të cilave besohet se Ndrageta ka “pastruar” paratë e saj të pista.

operacion antidroge ne itali ndrageta

Sondazh

Poll