Bota

Tokio do të heqë tarifat e ujit këtë verë për të luftuar nxehtësinë ekstreme

Goditja nga nxehtësia shkaktoi një rekord prej 263 viktimash në Tokio verën e kaluar, sipas Byrosë së Shëndetit Publik. Shumë viktima nuk kishin ajër të kondicionuar ose zgjodhën të mos e përdornin atë për shkak të kostove të larta.

21 Maj 2025, 07:47 Nga r.ll
Tokio do të heqë tarifat e ujit këtë verë për
foto ilustruese

TOKIO- Tarifat bazë të shërbimeve të ujit do të hiqen për banorët e Tokios këtë verë në një përpjekje për të kufizuar ndikimin e nxehtësisë ekstreme, njoftoi Qeveria Metropolitane e Tokios. Më shumë se 36 miliardë jen (250 milionë dollarë; 186 milionë paund) janë ndarë mënjanë për subvencionet, të cilat do të hyjnë në fuqi për një periudhë katër-mujore.

"Ne do të donim të krijonim një mjedis në të cilin të gjithë banorët e Tokios mund të jetojnë në paqe edhe në motin jashtëzakonisht të nxehtë që pritet të përjetojmë këtë verë", tha guvernatorja e Tokios, Yuriko Joike.

Goditja nga nxehtësia shkaktoi një rekord prej 263 viktimash në Tokio verën e kaluar, sipas Byrosë së Shëndetit Publik. Shumë viktima nuk kishin ajër të kondicionuar ose zgjodhën të mos e përdornin atë për shkak të kostove të larta.

"Për shkak të anktheve për jetesën (kostot), mund të ketë raste në të cilat njerëzit nuk i përdorin kondicionerët e tyre gjatë një vale të nxehti edhe pse kanë një të tillë", shtoi Koike.

Duke kompensuar kostot e ujit, qeveria synon të inkurajojë banorët e kryeqytetit japonez të përdorin metoda të tjera ftohjeje si ajri i kondicionuar. Në më shumë se 60% të vdekjeve nga goditja nga nxehtësia të regjistruara brenda verës së kaluar, viktimat nuk e kishin ndezur kondicionerin, tha Departamenti i Zjarrfikësve të Tokios, shkruan BBC.

Mesatarisht, tarifat bazë të ujit në Tokio kushtojnë midis 860 jen (6 dollarë; 4.50 £) dhe 1,460 jen (10 dollarë; 7.50 £) në muaj, varësisht nga gjerësia e tubit të ujit të familjes. Tarifat shtesë, të bazuara në përdorimin e ujit dhe të paguara përveç tarifave bazë, do të ngarkohen me normën e tyre të zakonshme.

Sipas statistikave qeveritare, Tokio ka më shumë se 7 milionë familje dhe një popullsi prej më shumë se 14 milionë banorësh. Japonia regjistroi verën e saj më të nxehtë të regjistruar ndonjëherë vitin e kaluar. Temperaturat në qershor, korrik dhe gusht ishin 1.76 gradë më të larta se mesatarja midis viteve 1991 dhe 2020, sipas agjencisë meteorologjike të Japonisë.

Midis qershorit dhe shtatorit, gati 8,000 njerëz në Tokio u dërguan në spitale për goditje nga nxehtësia - gjithashtu një rekord - me shumicën e vdekjeve të regjistruara midis të moshuarve.

nxehtesia ne tokio

Sondazh

Poll

MË SHUMË