Sport

Barça prodhon një talent tjetër: dy klube të Premier Ligës, sytë te Juan Hernández!

Të dy klubet po shqyrtojnë mundësinë për të paguar klauzolën e lirimit prej 5 milionë funtesh (6 milionë euro) në kontratën e spanjolit këtë verë, me adoleshentin që mbush 18 vjeç në korrik.

10 Maj 2025, 10:30 Nga DOSJA
Barça prodhon një talent tjetër: dy klube të Premier

SPANJE - Juan Hernandez Torres: ky është emri i mesfushorit sulmues 17-vjeçar që luan për  Barcelonën Atlétic, ekipin e dytë të Blaugranave, dhe i cili ende nuk ka debutuar në ekipin e parë të Hansi Flick në asnjë ndeshje zyrtare.

Pavarësisht kësaj, sipas Sky Sports në Gjermani, dy gjigantë të Premier Ligës, Chelsea dhe Manchester United, i kanë sytë tek ai. Të dy klubet po shqyrtojnë nëse do të paguajnë klauzolën e lirimit prej 5 milionë funtesh (6 milionë euro) në kontratën e spanjolit këtë verë, me adoleshentin që mbush 18 vjeç në korrik.

Mesfushori sulmues ishte një anëtar kyç i ekipit të Barcelonës nën 19 vjeç, fitues i kampionatit të të rinjve të UEFA-s këtë sezon, duke shënuar dy gola, përfshirë golin e fitores në gjysmëfinale kundër AZ Alkmaar.

Chelsea dhe United kanë një filozofi për të nënshkruar me disa nga talentet më të mira të reja në botë dhe ideja e Chelseat për Hernandez Torres mund të përfshijë një huazim te klubi francez simotër Strasbourg pas nënshkrimit të tij, për t'i lejuar atij të piqet më ngadalë në një mjedis konkurrues siç është liga franceze.

Ajo që është e sigurt është fakti, nëse djaloshi do të presë gjatë për një shans te Barça e Flick, ku nuk ka mungesë shembujsh në ekipin që luftoi deri në golin e fundit kundër Interit në gjysmëfinalen e Ligës së Kampionëve.

B.T (Dosja.al)

Sondazh

Poll

MË SHUMË