TIRANË– Dosja.al ka zbardhur 10 arsyet që e shtynë Gjykatën e Fierit t’i japë lirinë Sardian Sulejmanit, anëtarit të bandës së Durrësit. Në vendimin e zbardhur shkruhet se Sulejmani ka të atin vetëm, pasi e ëma ka humbur jetën në vitin 2016, ndërsa i vëllai ka vdekur në vitin 1999. Sipas vendimit të trupit gjykues, me në krye Pirro Sotën, i ati i Sulejmanit ka nevojë për mbështetje emocionale nga i biri, pas humbjeve të thella.
Ndër arsyet që liston Gjykata është edhe fakti se Sulejmani, veprën penale për të cilën është dënuar me 25 vite burg, e ka kryer në moshë të hershme, duke mos qenë shumë i vetëdijshëm për ato çfarë bënte. Gjithashtu në vendim shtohet se i sapo liruari ka premtuar se do të lidhë një kontratë pune duke u treguar i gatshëm për riintegrimin e tij në shoqëri. Gjykata shton edhe faktin se Sulejmani ka shprehur një pendesë të thellë për krimin e kryer në vitin 2005, kur vrau Avni Gashin, dhe për dy tentativat e vrasjes ndaj kreut të Bandës së Durrësit, Lulëzim Berishës. Sjellja korrekte, moskonsumimi i alkoolit apo i lëndëve narkotike, janë gjithashtu disa nga arsyet që Gjykata e Fierit i ka marrë si të mirëqena, duke i falur pesë vite burg Sardian Sulejmanit dhe duke e lënë të lirë pas 20 viteve burg.
ARSYETIMI PSE GJYKATA E LIROI
Gjykata ka arritur në konkluzionin se riintegrimi i të dënuarit Sardian Sulejmani në shoqëri, është i mundshëm për arsyet e mëposhtme:
1-Gjatë 1-2 viteve të fundit që ka vuajtur dënimin në IEVP ka shfaqur sjellje korrekte me bashkëvuajtësit si dhe me punonjësit, duke respektuar rregulloren dhe ligjet në fuqi, duke treguar kështu që është arritur qëllimi për edukimin e tij.
2-Nga vërtetimi i gjëndjes gjyqësore figuron se i dënuari Sardian Sulejmani nuk ka qenë më parë i dënuar.
3-I dënuari nuk rezulton të ketë probleme me përdorimin e alkoolit, apo të lëndëve narkotike, faktor i cili ndikon ne proçesin e riintegrimit të të dënuarit në shoqëri dhe shërben si faktor parandalues në kryerjen e sjelljeve devijante në shoqëri.
4-I dënuari ka paraqitur një premtim për lidhje kontrate pune dhe shprehet se është i motivuar për të punuar dhe për të siguruar të ardhura për familjen.
5-Gjendja shëndetsore e të atit të të dënuarit nuk është e mirë, pasi ka probleme me zemrën, për të cilën ka qënë disa herë i shtruar në spital dhe merr mjekim. Gjithashtu edhe gjendja emocionale e tij është shumë e rënde për shkak të vdekjes së djalit të madh në vitin 1999 dhe bashkëshortes se tij ne vitin 2016, duke ndikuar edhe në gjendjen e tij shëndetsore në tëresi dhe ka nevoje per përkujdesje të vazhdueshme si dhe mbeshtetje emocionale nga djali i tij, pasi është e vetmja familje që i ka mbetur.
6-Ne kohën e kryerjes se veprës penale i dënuari ka qënë ne një moshë shumë te re për te kuptuar si duhet pasojat e veprimeve te tij, e shoqeruar kjo edhe nga ndikimi negativ i personave të tjerë si dhe nga humbja e vëllait ne kohen kur i dënuari ishte ende i mitur.
7-Gjatë intervistave me punonjësin e Shërbimit të Provës i dënuari Sardian Sulejmani shprehet thellësisht i penduar për veprën penale që ka konsumuar, është i ndërgjegjësuar për veprën dhe dënon veprimin e tij, ç’ka tregon se ky i dënuar është rehabilituar dhe është i gatshëm për t’u riintegruar në shoqëri.
8-Familja e te denuarit ka kushte te mira banimi, pra ne momentin qe mund te lirohet me kusht, ate e pret nje ambient i pershtatshem per te jetuar, gje e cila ndikon pozitivisht tek ai.
9-I dënuari është tip i qetë dhe i qëndrueshëm emocionalisht.
10-Lidhur me konsultimin e dokumentave dhe materialeve të dosjes së të dënuarit si dhe nga intervista me të, rezulton se i dënuari ka mbështetjen e plotë të familjes dhe të shoqërisë. Fakt i cili ndikon pozitivisht tek riintegrimi i të dënuarit në shoqëri.
Sardian Sulejmani është lënë i lirë që prej tetorit të vitit të kaluar, ndërsa Gjykata i ka falur 5 vite burg për sjellje të mirë. Sulejmani është dënuar nga Gjykata e Lartë me 25 vite burg, me akuzën “Vrasje me paramendim e mbetur në tentativë”, për shkak se i kishte bërë dy herë atentat Lulzim Berishës dhe për “Vrasje me paramendim”, pasi akuzohet se ka vrarë Avni Gashin, ngjarje e ndodhur në vitin 2005.
(f.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Ditën e sotme Gjykata e Fierit ka liruar Sardian Sulejmanin duke i faluar thuajse 5 vite burg. Vendimin për të anëtarin e bandës së Durrësit, i dën...
DELVINË- “Ça t’i themi fëmijëve; të keqen babai, shiko bëmë një pasuri këtu por këtu nuk është për t’u rrojtur. Këtu është për të ikur natën. &Ccedi...
TIRANË- Policia Rrugore ka shtuar masat për parandalimin e aksidenteve rrugore dhe sigurisë në jetë. Në njoftimin e policisë thuhet se gjatë 48 orëve të fu...
TIRANË– Vetëm disa ditë më parë Shpëtim Çorollari ka rrëfyer në studion e emisionit “Me zemër të hapur” në Neës24 momentet më të vështira të jetës s...
Kosovë- Një i ri nga Shqipëria ka humbur jetën në Kosovë pasi ka rënë nga një lartësi prej 40 metrash. Mediat kosovare shkruajnë 30-vjeçari shqiptar, ide...
TIRANË- Zbardhen detaje të reja për vjedhjen me levë të disa ditëve më parë pak metra larg shtëpisë së shefit të Policisë, Rebani Jaupi, tek Lulishtja në K...
DELVINË- Një grabitje ka ndodhur ditën e sotme në Delvinë. Mësohet se pre e kësaj grabitje ka rënë shtëpia e dy vëllezërve, e cila pas vjedhjes është djegu...
TIRANË– Drejtuesi i Prokurorisë së Posaçme, Arben Kraja, ka kërkuar që të ketë edhe dy prokurorë të tjerë në SPAK, pasi sipas tij ka një fluks kallë...
Tiranë-Mesditën e sotme ka ndodhur një sherr me armë të ftohta mes disa të rinjsh pranë Fakultetit të Gjuhëve të Huaja në Tiranë. Burime për Dosja.al bëjnë me d...
Shqipëri-Viti 2019 ka shënuar një bilanc tragjik për sa i përket jetëve të humbura në aksidente. Ndonëse numri i tyre shënoi rënie në krahasim me një vit më par...