Bota

Miliarderi amerikan nuk po shihet më krah Presidentit/ A po largohet Elon Musk nga administrata e Trump?

Edhe pse mori pjesë në një mbledhje të kohëve të fundit të kabinetit, prania e tij më shumë të kujtonte një turne lamtumire sesa një përfshirje aktive në qeverisje.

2 Maj 2025, 13:22 Nga E. D
Miliarderi amerikan nuk po shihet më krah Presidentit/ A po largohet Elon
Elon Musk dhe Donald Trump

SHBA- Elon Musk duket se është në fund të mandatit të tij si punonjës i posaçëm qeveritar, ndërsa gradualisht po largohet nga Shtëpia e Bardhë dhe pozicioni i tij si kreu i Departamentit të Efikasitetit të Qeverisë (DOGE). Edhe pse mori pjesë në një mbledhje të kohëve të fundit të kabinetit, prania e tij më shumë duket si një turne lamtumire sesa një përfshirje aktive në qeverisje.

Shefja e Shtabit të Shtëpisë së Bardhë, Susie Wiles, tha se ata tani po komunikojnë me Musk kryesisht nëpërmjet telefonit, duke konfirmuar se prania e tij fizike ka qenë e kufizuar. Ironia e çështjes është se vetë Musk është shprehur në të kaluarën kundër punës nga distanca dhe në favor të një pranie fizike në zyrë.

Gjatë takimit, Musk falënderoi Presidentin Trump dhe kabinetin, duke thënë: "Ishte një nder të punoja me një kabinet kaq të jashtëzakonshëm".

Ai madje pretendoi se reformat përmes DOGE kursyen 160 miliardë dollarë, një shumë që ka marrë kritika të konsiderueshme në lidhje me saktësinë e saj. Trump e falënderoi, duke thënë se “ke sakrifikuar shumë dhe je trajtuar padrejtësisht”, me Musk që iu përgjigj me humor: “Po më djegin makinat, gjë që nuk është gjëja më e mirë”.

elon musk

Sondazh

Poll

MË SHUMË