Aktualitet

Shkëmbim zjarri në Ekuador mes ushtrisë dhe trafikantëve, një i vrarë dhe 4 të arrestuar! Shpëtohen 2 pengje shqiptare

Mësohet se operacioni u zhvillua në një pronë të vendosur në sektorin e Rinconada dhe Ayampe, në provincën e Santa Elena, ku pati shkëmbim zjarri.

2 Maj 2025, 12:17 Nga M.B
Shkëmbim zjarri në Ekuador mes ushtrisë dhe trafikantëve,
Foto ilustruese

EKUADOR- Disa pengjet, përfshirë dhe 2 shqiptarë, janë shpëtuar gjatë operacionit ushtarak në Santa Elena nga ushtria ekuadoriane, së bashku me institucione të tjera shtetërore. Mësohet se operacioni u zhvillua në një pronë të vendosur në sektorin e Rinconada dhe Ayampe, në provincën e Santa Elena, ku pati shkëmbim zjarri. Gjatë përleshjes, një kriminel i dyshuar u qëllua.

Sipas informacioneve, pas kontrollit të zonës, pesë persona të rrëmbyer u shpëtuan, tre me kombësi ekuadoriane dhe dy shqiptarë. Ushtria ekuadoriane bën me dije se në operacionin ushtarak, u arrestuan katër persona. Gjatë operacionit u sekuestruan 4 armë zjarri të tipit pistoletë, 74 fishekë kalibri 9 mm, 6 telefona celularë dhe 1 pako lidhëse plastike. Ndërkohë, personi i qëlluar, ende i paidentifikuar, dyshohet se i përkiste Grupit të Organizuar të Armatosur “Los Choneros”. 

Postimi i ushtrisë ekuadoriane:

Ushtria ekuadoriane, në bashkëpunim me institucione të tjera shtetërore, bastisi një fermë të vendosur në zonën Rinconada dhe Ayampe të provincës Santa Elena, ku u prit me të shtëna. Gjatë përleshjes, një i dyshuar si kriminel u vra. Pas kontrollit të zonës, pesë persona të rrëmbyer u shpëtuan: tre ekuadorianë dhe dy shqiptarë. Katër persona u arrestuan në operacionin ushtarak.

Provat e mëposhtme u gjetën në vendngjarje:

- 4 armë zjarri të tipit pistoletë
- 74 fishekë të kalibrit 9 mm
- 6 telefona celularë
- 1 pako lidhëse plastike

I ndjeri, ende i paidentifikuar, dyshohet se i përkiste Grupit të Armatosur të Organizuar Los Choneros. Sendet e konfiskuara dhe të sekuestruara iu dorëzuan autoriteteve kompetente për procedurat përkatëse ligjore.

Shkëmbim zjarri në Ekuador mes ushtrisë dhe trafikantëve,

 

ekuador

Sondazh

Poll

MË SHUMË