Bota

"Refuzoi të bëjë lëshime në bisedimet e paqes", Zakharova: Gjithnjë edhe më e qartë se Zelenskyy nuk ka kapacitet për të negociuar fundin e luftës

Në të njëjtën kohë, zëdhënësja e Ministrisë së Jashtme ruse vlerësoi se vendimi i vendeve evropiane për të vazhduar ofrimin e armëve për Kievin e inkurajon Zelenskyyn të vazhdojë luftën, pavarësisht humbjeve të pësuar nga ushtria ukrainase.

24 Prill 2025, 11:14 Nga N.F
"Refuzoi të bëjë lëshime në bisedimet e
Maria Zakharova

RUSI- Zëdhënësja e Ministrisë së Jashtme ruse, Maria Zakharova akuzoi të martën presidentin ukrainas Volodymyr Zelenskyy se refuzoi të bënte lëshime në bisedimet e paqes që synojnë t'i jepnin fund luftës dhe se ishte i hapur për një armëpushim vetëm me kushtet e tij.

Zakharova gjatë konferencës së saj javore me gazetarët tha se po bëhet gjithnjë e më e qartë se Zelensky nuk ka kapacitetin për të negociuar një marrëveshje për t'i dhënë fund luftës. Në të njëjtën kohë, zëdhënësja e Ministrisë së Jashtme ruse vlerësoi se vendimi i vendeve evropiane për të vazhduar ofrimin e armëve për Kievin e inkurajon Zelenskyyn të vazhdojë luftën, pavarësisht humbjeve të pësuar nga ushtria ukrainase.

"Ky qëndrim tregon se disa vende evropiane i frikësohen mundësisë së një fitoreje ruse," theksoi Zakharova.

Presidenti amerikan, Donald Trump tha dje se ai ka bërë një marrëveshje me Rusinë për një armëpushim në Ukrainë dhe se gjithçka që mbetet është që presidenti ukrainas Volodymyr Zelenskyy të bie dakord. 

Nga ana e tij, Putini duket se beson se koha po ecën në favor të tij. Pavarësisht humbjeve të mëdha, ushtria ruse vazhdon të shënojë fitime të reja në Ukrainën lindore. Në këtë kontekst, Putini këmbëngul në kërkesat e tij: dorëzimin de fakto të Ukrainës, zotimin e Kievit për të mos u anëtarësuar në NATO dhe njohjen e pesë provincave të aneksuara nga Rusia. Këto kërkesa janë refuzuar nga Ukraina dhe aleatët e saj perëndimorë.

maria zakharova lufta rusi-ukraine

Sondazh

Poll