Sport

Ancelotti: “Unë nuk di të përdor kamxhikun, për këtë duhet një trajner tjetër”...

“Ta konsiderosh Real Madridin të dobët në një finale të Kupës së Mbretit më duket paksa e ekzagjeruar”

23 Prill 2025, 12:30 Nga DOSJA
Ancelotti: “Unë nuk di të përdor kamxhikun, për

SPANJE - Carlo Ancelotti nuk po angazhohet të shprehet se cila mund të jetë e ardhmja e tij. Trajneri, duke folur në prag të ndeshjes ndaj Getafes, mendoi më shumë për fushën.

“Shpresojmë të gjejmë ekuilibrin, kemi luftuar shumë për ta gjetur”, deklaroi trajneri. Kur u pyet nëse ishte shumë i butë me lojtarët, trajneri italian është përgjigjur pa hezitim.

"Unë nuk e kam grushtin të fortë dhe askush nuk e ka provuar. Nuk mund të përdor kamxhik, duhet thirrur një trajner tjetër për këtë. Jam shumë i lumtur këtu, jam i vetëdijshëm që është viti më i komplikuar, - tha ai. - Ka shumë presion, por është gjithmonë kështu në këtë moment të sezonit. Stresi është karburant, nuk më shqetëson më shumë".

Ancelotti u rikthye më pas në finalen e Kupës së Mbretit kundër Barcelonës, një ndeshje në të cilën sipas javëve të fundit, Real Madridi është i dobët: "Jo aq shumë, ata duket se po bëjnë më mirë se ne, por të konsiderosh Real Madridin të dobët në një finale më duket paksa e ekzagjeruar. Gjithçka mund të ndodhë".

Dhe ai ishte mjaft i qartë për të ardhmen: "Të qëndroj për të marrë hakmarrjen time? Nuk kam pse të marr hak kundër askujt. E dua këtë stol, shpresoj të qëndroj sa më gjatë këtu".

B.T (Dosja.al)

Sondazh

Poll

MË SHUMË